Ashok Kharat Case Update  Saam tv
मुंबई/पुणे

अशोक खरात प्रकरणातील पीडित महिलांचे व्हिडिओ मोबाईलमधून पटकन डिलीट करा; आता शेअर करणाऱ्यांना थेट अटक होणार

Ashok Kharat Case Update : पीडित महिलांचे व्हिडिओ शेअर करणाऱ्यांवर कडक कारवाई होणार आहे. आता शेअर करणाऱ्यांना थेट अटक होणार आहे.

Akshay Badve

नाशिकच्या अशोक खरात प्रकरणात पोलिसांचा कडक इशारा

आता पीडितांचे व्हिडिओ शेअर करणाऱ्यांना अटक होणार

नगरमध्ये आधीच तिघांवर गुन्हा नोंद

अशोक खरात प्रकरणातील दोषींवर पोलिसांनी कारवाईचा धडाका लावला आहे. नाशिकमधील या नराधमाने शेकडो महिलांवर अत्याचार केले असून त्यांचे काही सीसीटीव्ही व्हिडिओ सोशल मीडियावर व्हायरल होत आहेत. पीडित महिलांचे व्हिडिओ व्हायरल झाल्याने काहींनी कारवाईची मागणी देखील केली होती. त्यानंतर या प्रकरणात अहिल्यानगर पोलिसांनी तिघांच्या विरोधात गुन्हा दाखल केला. आता या प्रकरणात पोलिसांनी आणखी कठोर कारवाईचा निर्णय घेतला आहे. पीडित महिलांचे व्हिडिओ शेअर करणाऱ्यांना थेट अटक होणार असल्याचे पोलिसांच्या विशेष तपास पथकाने स्पष्ट केलं आहे.

अशोक खरात प्रकरणाच्या तपासाचा वेग वाढला आहे. या प्रकरणातील विशेष पथकाकडून आरोपी अशोक खरातची कसून चौकशी सुरू आहे. अशोक खरातशी संबंधित लोकांची चौकशी सुरू आहे. पोलिसांकडून त्यांच्या कार्यालयाची झाडाझडती देखील करण्यात आली. तसेच त्याच्या फार्महाऊसवरून लॅपटॉपमधील सीसीटीव्ही व्हिडिओ जप्त केले आहेत. परंतु गेल्या काही दिवसांत या प्रकरणातील पीडित महिलांचे व्हिडिओ सोशल मीडियावर व्हायरल झाल्याचे समोर आले.

व्हिडिओ व्हायरल झाल्यानंतर पोलिसांनी कडक पावले उचलण्यास सुरुवात केली आहे. व्हिडिओ शेअर केल्याप्रकरणी पोलिसांनी अहिल्यानगरमध्ये तिघांवर गुन्हा दाखल केले आहेत. आता विशेष तपास पथकाने पीडितांचे व्हिडिओ शेअर केल्यास थेट अटक होणार असल्याचा इशारा दिला आहे.

...तर ग्रुप 'अॅडमिन'ला अटक होणार

नाशिक प्रकरणातील पीडित महिलांचे व्हिडिओ शेअर केल्यास थेट अटक होणार आहे, अशी माहिती पोलिसांच्या विशेष तपास पथकाने सोशल मीडिया इन्फ्लुएन्सर, न्यूज चॅनल्स, पोर्टल्स यांना पत्राद्वारे दिली. सोशल मीडियावर पीडित महिलांचे अश्लील व्हिडिओ शेअर केले जात असल्याने विशेष तपास पथकाने कारवाईचा निर्णय घेतला. अश्लील व्हिडीओ शेअर केल्यास संबंधित व्यक्ती किंवा संबंधित ग्रुप अॅडमिन यांच्यावर गुन्हा दाखल करून त्यांना अटक केली जाईल, असा कायदेशीर कारवाईचा इशारा देण्यात आला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Masoor Amti Recipe: जेवायला काय बनवायचं प्रश्न पडलाय? १० मिनिटांत झटपट बनवा मसूरची आमटी

Hingoli : दुचाकीला २००, तर चारचाकीला २००० रुपयांचे पेट्रोल भरता येणार, कुठे लागू झाला आदेश?

Electricity Bill: सर्वसामान्यांना मोठा दिलासा! १ एप्रिलपासून वीज दरात कपात, प्रति युनिटमागे किती रुपये द्यावे लागणार?

राज्यातील वीज ग्राहकांना दिलासा! १ एप्रिलपासून वीज दरात कपात|VIDEO

Stylish Blouse: शालू पैठणी किंवा साध्या साडीवर ट्राय करा या ७ ट्रेंडी युनिक स्टायलिश डिझायनर ब्लाऊज

SCROLL FOR NEXT