Ulhasnagar Vidhansabha Result: राज्यात विधानसभा निवडणुकीचे निकाल हाती यायला सुरुवात झाली आहे. या निवडणुकीत भाजपला घवघवीत यश मिळाल्याचे पाहायला मिळाले आहे. उल्हासनगर मतदारसंघात भाजप विरुद्ध राष्ट्रवादी (शरद पवार) गट अशी लढत पाहायला मिळाली. या लढतीत, भाजपने मोठा विजय मिळवल्याची माहिती समोर येत आहे.

उल्हासनगर मतदारसंघातून भाजपकडून कुमार आयलानी, तर राष्ट्रवादी शरदचंद्र पवार गटाकडून ओमी कलाणी निवडणुकीच्या रिंगणात होते. १९ फेरीच्या मतमोजणीनंतर कुमार आयलानी यांनी ३०७५४ मतांनी विजयी आघाडी घेतली आहे. त्यामुळे कुमार आयलानी यांचा विजय निश्चित झाला आहे.

उल्हासनगर मतदार संघातून भाजपकडून कुमार आयलानी, राष्ट्रवादी शरद पवार गटाकडून ओमी कलाणी, वंचित बहुजन आघाडी पक्षाकडून संजय गुप्ता आणि मनसेकडून भगवान भालेराव मैदानात होते.

मात्र प्रमुख लढत कुमार आयलानी आणि ओमी कलाणी यांच्यात पार पडली. दोन्ही पक्षांनी जोरदार प्रचार केला. १९ व्या फेरीनंतर भाजपच्या कुमार आयलानी यांनी ८२२३१ मत मिळवली. यासह ओमी कलाणींवर ३०७५४ मतांनी विजय मिळवला. ओमी कलाणी यांना ५१४७७ मतं मिळाली.

यापूर्वी २०१९ मध्ये झालेल्या विधानसभा निवडणुकीत त्यांनी ज्योती कलाणी यांचा ३५४०६ मतांनी पराभव केला होता. त्यापूर्वी २०१४ मध्ये झालेल्या विधानसभा निवडणुकीत अवघ्या १८६३ मतांनी पराभवाचा सामना करावा लागला होता.