Maharashtra Cabinet Expansion: गेल्या अनेक दिवसांपासून सरकारचा मंत्रिमंडळ विस्तार (Cabinet Expansion) रडखडलेला आहे. याशीच संबंधित एक मोठी बातमी आता समोर आली आहे. उपमुख्यमंत्री देवेंद्र फडणवीस यांनी आज राज्यपाल रमेश बैस यांची भेट घेतल्याची माहिती मिळत आहे.

सूत्रांनी दिलेल्या माहितीनुसार, देवेंद्र फडणवीस यांनी आज दुपारी राज्यपाल रमेश बैस यांची भेट घेतली. या भेटीनंतर फडणवीस यांनी विमानतळावर मुख्यमंत्री एकनाथ शिंदे यांची भेट घेतली. फडणवीस यांच्याशी चर्चा केल्यानंतर मुख्यमंत्री दिल्लीला रवाना झाले आहेत.

राज्य मंत्रिमंडळ विस्तारात ‘रिपाइं’ला मंत्रिपद मिळावे - रामदास आठवले

यातच आता राज्य मंत्रीमंडळाच्या आगामी विस्तारात ‘रिपाइं’ला मंत्रिपद मिळावे, अशी मागणी केंद्रीय सामाजिक न्याय राज्यमंत्री रामदास आठवले यांनी गुरुवारी पुण्यात पत्रकार परिषदेत बोलताना केली. (Latest Marathi News)

आठवले पुढे म्हणाले, "भाजपचे प्रदेशाध्यक्ष चंद्रशेखर बावनकुळे यांच्याबरोबर मित्र पक्षांची मुंबईत बैठक झाली आहे. या बैठकीत आगामी मंत्रिमंडळ विस्तारत 'रिपाइं'ला एक मंत्रिपद देण्याची मागणी केली आहे. तसेच जागा वाटपात विधान परिषदेची एक आणि स्थानिक स्वराज संस्थांच्या आगामी निवडणुकीत ‘रिपाइं’ला योग्य वाटा मागितला आहे.

शिवसेनेला केंद्रात मिळणार कॅबिनेट मंत्रिपद?

सूत्रांनी दिलेल्या माहितीनुसार, येत्या काही दिवसांत केंद्रीय मंत्रिमंडळ विस्तार होण्याची दाट शक्यता निर्माण झाली आहे. मुख्यमंत्री एकनाथ शिंदे यांच्या शिवसेनेतील दोन किंवा तीन खासदरांना केंद्रीय मंत्री मंडळात स्थान मिळण्याची शक्याता आहे. एक कॅबिनेट मंत्री आणि दोन राज्य मंत्री पद मिळण्याची शक्यता व्यक्त केली जात आहे.