विकास काटे, साम टीव्ही

ठाणे : दहशतवादी विरोधी पथकाने महाराष्ट्रात कारवाईचा धडाका लावला आहे. काही दिवसांपूर्वी एटीएसने सॉफ्टवेअर इंजिनीअरला ताब्यात घेतलं होतं. त्यानंतर आता ठाण्यातील मुंब्रा येथील एका शिक्षकाला ताब्यात घेतलं आहे. जमाती इस्लामिया या संघटनेशी संबंधित असल्याच्या संशयावरून दहशतवादी विरोधी पथकाने कारवाई केल्याची माहिती मिळत आहे.

दहशतवादी विरोधी पथकाने काही दिवसांपूर्वी पुणे या ठिकाणी महाराष्ट्र एटीएसने धाड टाकून काही लोकांना अटक केली होती. या आरोपींची विचारपूस केल्यानंतर आरोपींनी मुंब्रामध्ये राहणारा एका शिक्षकाचा संबंध असल्याचं सांगितलं. महाराष्ट्र एटीएसने आज मुंब्रा येथील कवसा विभागामध्ये राहणाऱ्या एका शिक्षकाच्या घरी धाड टाकली.

शिक्षकाच्या घरातील मोबाईल कॉम्पुटर आणि इतर सामग्री हस्तगत करून त्याला मुंबई येथील कुर्ला येथे त्याचा दुसऱ्या घरी महाराष्ट्र एटीआयच्या माध्यमातून पुढील तपास सुरू आहे. शिक्षक हा जमाती इस्लामिया या संघटनेशी जोडलेले असल्यामुळे आरोपींनी या शिक्षकाचे नाव तपासामध्ये घेतला होता.

मीडिया रिपोर्टनुसार, ताब्यात घेतलेला व्यक्ती काही ऑनलाइन ग्रुपमध्ये सक्रिय असल्याचे माहिती मिळत आहे. अधिकाऱ्यांनी त्याचे इमेल्स, मेसेजेस आणि बँक व्यवहार तपासण्यास सुरुवात केलीये. जमाती इस्लामिया संघटनेशी त्याचे संबंध होते का, हे चौकशीतून स्पष्ट होईल. तत्पूर्वी, मुंब्रा, पुणे आणि मुंबई परिसरात पुढील काही दिवसांत आणखी काही ठिकाणी छापेमारी होण्याची शक्यता व्यक्त करण्यात येत आहे.