Mahanand Dairy News:

राज्यातील उद्योग बाहेर जात असल्याची टीका होत असताना आता राज्यातील मोठी संस्था परराज्यात जाणार असल्याची चर्चा जोर धरु लागली आहे. राज्यातली प्रमुख सहकारी दूध संस्था महानंदचा कारभार परराज्यात जाणार असल्याची चर्चा सुरु झाली आहे. महानंद डेअरी आता एनडीडीबी चालवणार आहे.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

महाराष्ट्र राज्य सहकारी दूध महासंघ अर्थात महानंद एनडीडीबीला चालवण्यात देण्याचा निर्णय संचालक मंडळाने घेतला आहे. ⁠संचालक मंडळाचा हा प्रस्ताव राज्य सरकारकडे पाठवण्यात आला आहे. ⁠राज्य सरकारच्या मंजुरीनंतर महानंद डेअरी एनडीडीबीला देण्याबाबत निर्णय घेतला जाणार आहे. (Latest News Update)

⁠महानंद डेअरीचा तोटा दिवसेंदिवस वाढत आहे. महानंद एनडीडीबीला देण्याऐवजी राज्यातील सक्षम सहकारी दूध संघास महानंद चालवण्यास देण्यात यावा अशी मागणी, सहकारी दूध संघाने केली आहे. ⁠

'महानंद'चं महत्त्व

• महानंद ही महाराष्ट्रातल्या सर्व सहकारी दूध संस्थांची शिखर संस्था.

• महानंदमार्फत राज्यातल्या सहकारी दूध संघांच्या दुधाची खरेदी, विक्री, प्रकिया केली जाते.

• महानंदचं कार्यक्षेत्र राज्यात आहे, प्रामुख्याने मुंबईत.

• सहकारी संस्थाचं दूध घेऊन त्यांना योग्य भाव देण्याचं काम महानंद करते.