मुंबई: मुंबईच्या कांदिवली पूर्व पश्चिम द्रुतगती महामार्गावर मेट्रो मार्गाखालील एका लक्झरी व्होल्वो बसला आग लागल्याची दुर्घटना घडली. या घटनेत बस पूर्णपणे जळून खाक झाली आहे. वेळीच बस रिकामी केल्याने मोठी दुर्घटना टळली आहे (Luxury Volvo Bus Caught Fire Under The Metro Line In Kandivali Mumbai).

सध्या अग्निशमन दलाच्या 2 गाड्या घटनास्थळी पोहोचल्या असून बसला लागलेली आग आटोक्यात आणण्याचे प्रयत्न सुरु आहेत. ही आग शॉर्टसर्किटमुळे लागल्याची माहिती आहे.

जेव्हा या बसला आग (Fire) लागली तेव्हा तिथे मुंबई समता नगर पोलीस आणि वाहतूक विभागाची 3 पथके घटनास्थळी उपस्थित होती. वेळीच बस रिकामी करण्यात आल्याने मोठी दुर्घटना टळली आहे.

प्रथमदर्शनी ही आग शॉर्टसर्किटमुळे लागल्याची माहिती आहे. ही बस मालाडहून बोरिवलीच्या दिशेने जात असताना अचानक ही आग लागलीये.

Edited By - Nupur Uppal