BJP Action Plan For Loksabha Election 2024, Devendra Fadnavis Maharashtra Elections  SAAM TV
मुंबई/पुणे

Political News : भाजप अॅक्शन मोडवर, लोकसभा निवडणुकांसाठी प्लान; देवेंद्र फडणवीसांवर मोठी जबाबदारी

BJP Action Plan For Loksabha Election 2024 : लोकसभा निवडणुकांच्या पार्श्वभूमीवर भाजप अॅक्शन मोडवर असून, दिग्गज नेते देवेंद्र फडणवीस यांच्यावर मोठी जबाबदारी सोपवली आहे.

Nandkumar Joshi

संजय गडदे, मुंबई

BJP Plan For Loksabha Elections 2024 :

पुढील वर्षी होऊ घातलेल्या लोकसभा निवडणुकीच्या पार्श्वभूमीवर भाजपनं जोरदार तयारी सुरू केली आहे. महाराष्ट्रात आतापासूनच रण तापलं आहे. भाजपनं रणनीती आखली असून, तिच्या अंमलबजावणीलाही सुरुवात केल्याचं दिसतं. भाजपचे दिग्गज नेते आणि उपमुख्यमंत्री देवेंद्र फडणवीस यांच्यावर मोठी जबाबदारी सोपवण्यात आली आहे. भाजपने मार्गदर्शन शिबीर आयोजित केले असून, फडणवीस हे उपस्थितांना मार्गदर्शन करणार आहेत.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

लोकसभा निवडणुका पुढील वर्षी होणार आहेत. आतापासून सर्व राजकीय पक्षांनी रणनीती आखण्यास सुरुवात केली आहे. भाजपनं एक पाऊल पुढे टाकलं आहे. मागील दीड ते दोन वर्षापासून संपूर्ण देशाचं राजकारण ज्या महाराष्ट्राभोवती फिरतंय, तिथेच थेट अंमलबजावणीला सुरुवात झाल्याचे दिसते.

मुंबईतील भाईंदर उत्तन येथील रामभाऊ म्हाळगी प्रबोधिनीमध्ये हे मार्गदर्शन शिबीर होणार आहे. पुढील दोन दिवस ते भरवलं जाणार असून, देवेंद्र फडणवीस यांच्यासह भाजप प्रदेशाध्यक्ष चंद्रशेखर बावनकुळे आणि विनोद तावडे हे देखील मार्गदर्शन करणार आहेत. राज्यातील सर्व लोकसभा आणि विधानसभा मतदारसंघांचे प्रमुख या शिबिराला उपस्थित राहणार आहेत.

काय आहे रणनीती

लोकसभा निवडणुकीसाठी भाजपनं 'महाविजय २०२४' मोहीम हाती घेतलीय. त्यानुसार पक्षाने रणनीती आखली आहे. संपूर्ण राज्यात वॉररूमचं जाळं उभारलंय.

वॉररूममधून २८८ विधानसभा आणि ४८ लोकसभा मतदारसंघांवर विशेष लक्ष असणार आहे. त्यासाठी पदाधिकाऱ्यांची नेमणूक केलीय. आता विधानसभा क्षेत्रांतील आढावा या बैठकीत घेण्यात येणार आहे.

मोदी सरकार आणि महाराष्ट्र सरकारनं केलेली कामे लोकांपर्यंत पोहोचवण्यासाठी भाजप आणि बुथप्रमुखांची एक टीम तयार केली होती. योजनांची माहिती लोकांपर्यंत पोहोचली की नाही याचा आढावा बैठकीत घेणार आहेत.

प्रत्येक मतदारसंघ आणि उमेदवारांवर वॉररूमद्वारे भाजप लक्ष ठेवणार आहे. मतदारसंघांतील समस्या आणि महत्वाच्या विषयांची माहितीही घेतली जाईल.

२०२४ मधील लोकसभा निवडणुकीत मित्रपक्षांना कोणत्याही परिस्थितीत सोबत घेण्याच्या संदर्भातही शिबिरात मार्गदर्शन करण्यात येणार असल्याचे सांगितले जाते.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Ashadhi Ekadashi : बा विठ्ठला राज्यावरील संकट दूर कर, बळीराजा सुखात राहू दे, मुख्यमंत्र्यांचे विठुमाउलीच्या चरणी साकडे

ध्यास लागला रे विठ्ठलाच्या भेटीचा…! यंदा ‘या वारकरी दाम्पत्याला मिळाला पूजेचा मान

Ashadhi Ekadashi : अवघे गरजे पंढरपूर…! मुख्यमंत्री फडणवीसांच्या हस्ते विठुरायाची शासकीय महापूजा संपन्न

Pune Crime : पुण्यातील प्रसिद्ध रीलस्टारवर जीवघेणा हल्ला, तिघांकडून बेदम मारहाण; शहरात खळबळ

Hafiz Saeed: मुंबई हल्ल्याच्या मास्टर माईंड हाफिसला भारताच्या ताब्यात देणार पाकिस्तान; प्रत्यार्पणासाठी ठेवली मोठी अट

SCROLL FOR NEXT