काळू धबधबा पर्यंटकांसाठी बंद करण्यात आला आहे. माळशेज काळू धबधब्याजवळ पाय घसरून 1 जण बेपत्ता झाला आहे. ठाणे हद्दीतील ही घटना आहे. हैद्राबादच्या उटी येथील 4 तरुण आले होते, काळू धबधबा परिसरात फिरायला आले होते. रेस्क्यू टीमची शोधमोहीम अजूनही सुरू आहे. 24 तासांनंतरही तरुणाचा ठावठिकाणा नाही.

राष्ट्रवादीचे ज्येष्ठ नेते शरद पवार यांच्या बीड येथील सभेची जोरदार तयारी सुरू आहे. राष्ट्रवादीच्या फुटीनंतर मराठवाड्यातील पहिलीच सभा बीडमध्ये होणारं असल्यानं भुजबळांनतर अजित दादा गटाचे दुसरे मंत्री धनंजय मुंडे शरद पवारांच्या टार्गेटवर तर नाहीत ना? असा प्रश्न उपस्थित होतोय.

येत्या काळात विश्वकर्मा जयंतीच्या दिवशी 13-15 हजार कोटी रुपयांसह देशाला नवीन बळ देण्यासाठी आम्ही विश्वकर्मा योजना सुरू करणार आहोत. पारंपारिक कौशल्य असलेल्या लोकांसाठी 13,000 ते 15,000 कोटी रुपयांच्या वाटपासह सरकार पुढील महिन्यात विश्वकर्मा योजना सुरू करणार आहे.

मी भ्रष्टाचाराविरुद्ध लढत राहीन. राजकीय कुटुंबवादातून आपल्याला मुक्ती मिळवायची आहे. विरोधी पक्ष आणि काँग्रेसवर हल्लाबोल करताना मोदींनी म्हटलं की, देशाच्या विकासासाठी परिवारवादातून मुक्ती गरजेचं आहे.

आमचा जनतेवर विश्वास आहे, जनतेचा सरकार आणि देशावर विश्वास आहे. आज देशाला G-20 शिखर परिषद आयोजित करण्याची संधी मिळाली आहे. G-20 चे अनेक कार्यक्रम भारताच्या कानाकोपऱ्यात झाले आहेत. देशाच्या विविधतेची ओळख त्यांनी जगाला करून दिली.

भारत आता थांबणार नाही. जग भारताचं कौतुक करत आहे. कोरोनानंतर नव्या बदलांसह जग पुढे जात आहे. बदलत्या जगाला आकार देण्यात भारताचं सामर्थ्य दिसत आहे. कोरोना काळात भारताचं सामर्थ्य जगाने पाहिलं आहे.

येणारा काळ तंत्रज्ञानाचा असेल. भारत तंत्रज्ञानातही अग्रेसर आहे.

भारताच्या स्वातंत्र्यलढ्यात योगदान देणाऱ्या सर्व वीरांना मी श्रद्धांजली अर्पण करतो. या काळातील निर्णय हजार वर्षांचा सुवर्ण इतिहास लिहले जातील.

देश मणिपूरमधील नागरिकांच्या सोबत आहे. सध्या तिथे शांती प्रस्थापित होत आहे. मणिपूरमधील नागरिकांनी शांतता राखावी.

देशातील सर्व नागरिकांच्या एकजुटीतून स्वातंत्र्य आणि लोकशाही भक्कम करुया. देशाची एकता, अखंडता, सार्वभौमता, लोकशाही मजबूत करण्याचा स्वातंत्र्यदिनी दृढनिर्धार करुया.

Independence Day 2023 LIVE: देशभरात आज 77 वा स्वातंत्र्यदिन साजरा होत आहे. पंतप्रधान नरेंद्र मोदी आज लाल किल्ल्यावरून दहाव्यांदा देशाला संबोधित करणार आहेत. स्वातंत्र्यदिनानिमित्त देशभरात उत्साहाचं वातावरण आहे. अनेक ठिकाणी कार्यक्रमांचंही आयोजन करण्यात आलं आहे.