Pune Ambegaon:

आंबेगाव तालुक्यातील कवठे यमाई येथे वीज वाहिनीचं काम करणारा कामगार पाण्यात वाहून गेल्याची घटना घडलीय. राजेंद्र विक्रम कोळी, असे पाण्यात बुडालेल्या तरुण कामगाराचे नाव आहे. ही घटना सकाळी १० वाजेच्या सुमारास घडलीय.

कवठे यमाई येथील घोडनदीच्या खार ओढ्यालगत विद्युत लाईनच्या दुरुस्तीचे काम सुरू होतं. यादरम्यान राजेंद्र हा ओढ्या जवळून जात असताना पाय घसरला आणि तो पाण्यात पडल्याचा अंदाज व्यक्त करण्यात येत आहे. सध्या रेस्क्यू टीमकडून पाण्यात त्याचा शोध घेतला जात आहे. घटनास्थळी नायब तहसीलदार स्नेहा गिरीगोसावी, पोलीस पथक, बचावकार्य दाखल झाले आहेत.

प्राथमिक माहितीनुसार ओढ्यात वाहून गेलेल्या कामगार राजेंद्र हा वीज वाहिनीचे तार ओढण्याचं काम करणाऱ्या ठेकेदाराकडे काम होता. त्याचे मूळ गाव जळगाव जिल्ह्यातील मालखेडा आहे.

दरम्यान ही घटना आज सकाळी १० वाजेच्या सुमारास घडली तो अद्याप सापडला नाहीये. कवठे यमाई गावाला लागून असलेल्या घोडनदी किनारी लाईन ओढण्याचे काम चालू होते. त्यावेली राजेंद्रचा पाय घसरला त्यामुळे त्याचा तोल गेला आणि नदीत वाहून गेला. लाईनमॅन नदीत पडल्याचं स्थानिकांना समजाताच स्थानिक नागरिक आणि स्थानिक मच्छीमार यांच्याकडून शोध घेत आहेत.