विरार : मुख्यमंत्री उद्धव ठाकरे (uddhav thackeray) यांचे प्रवक्ते नव्हे भाेंगा संजय राऊत (sanjay raut) यांनी माझी पत्नी डाॅ. मेघा सौमय्या यांची बदनामी केल्याप्रकरणी उद्या (साेमवार) संपूर्ण कुटुंबासह मुलुंड पाेलीस ठाण्यात (mulund police station) जाऊन तक्रार दाखल करणार असल्याचे आज (रविवार) किरीट साेमय्या (kirit somaiya) यांनी विरार येथे जाहीर केले. (kirit somaiya latest marathi news)

साेमय्या म्हणाले येत्या काळात ठाकरे सरकारच्या मंत्र्यांचा नंबर लागणार आहे. मग तो मंत्री असो किंवा ठाकरे कुटुंबातील सदस्य. भ्रष्टाचारा केल्यामुळे नंबर तर लागणारच. कोरोना काळात ठाकरे सरकारने केलेला भ्रष्टाचार, १९ बंगल्याचे राजकारण, मनसुख हिरेन व सचिन वाझे यांच्या सुपारी प्रकरणावर भाष्य करत साेमय्यांनी ठाकरे सरकारवर जोरदार टीका केली.

संपुर्ण महाराष्ट्रात वसूली आणि सुपारी इतकेच काम या सरकारने केले आहे. नरेंद्र माेदी (narendra modi) यांनी भ्रष्टाचारमुक्त भारत देश करुन दाखविला. इथे मात्र उद्धव ठाकरे सरकारने भ्रष्टाचारयुक्त राज्य करुन दाखविले आहे. या सरकारमधील सर्व घाेटाळे बाहेर काढून त्यांना शासन हाेण्यासाठी प्रयत्न करणार असल्याचे साेमय्यांनी नमूद केले.

Edited By : Siddharth Latkar