लोणावळ्यात पावसाचा जाेरदार वाढला आहे. परिणामी इंद्रायणी नदीच्या पाणी पातळीत वाढ हाेऊ लगाली आहे. पावसाच्या पाण्याच्या प्रवाहामुळे कार्ला मळवली गावांना जोडणारा इंद्रायणी नदीनजीकचा साकव पूल तयार पूल वाहून गेला आहे. यामुळे परिसरातील चार गावांचे दळणवळण पूर्णत: थांबले आहे. प्रशासनाने तात्काळ उपाययाेजना करण्याची गरज निर्माण झाली आहे.

कार्ला मळवली या गावांना जोडणारा इंद्रायणी नदीवरील पुलाचे काम संथगतीने सुरू आहे. त्याचा फटका चार गावांना बसला आहे. यापुलाचे काम सुरू असताना ग्रामस्थांना रहदारीसाठी नदीवर एक साकव पूल तयार करण्यात आला होता.

दरम्यान पावसामुळे नदी पात्राच्या पाणी पातळीत वाढ झाली आहे. परिणामी साकव पूल वाहून गेला. त्यामुळे या गावातील दळणवळण यंत्रणा ठप्प होण्याची चिंता ग्रामस्थांना पडली आहे. त्यातच संथ गतीने सुरु असलेल्या कामाबाबत वारंवार तक्रार करुनही मार्ग निघत नसल्याने ग्रामस्थ आक्रमक झालेत.

Edited By : Siddharth Latkar