मावळ : जून्या मुंबई पुणे महामार्गावरील (pune mumbai highway) अहिरवडे फाटा येथे कोंबड्यांच्या टेम्पोवर दरोडा टाकून सुमारे बारा लाख तीस हजार रुपये किमतीचा मुद्देमाल चोरी करणाऱ्या टोळीला पुणे ग्रामीणच्या स्थानिक गुन्हे अन्वेषण शाखेच्या (lcb) पथकाने शिताफीने अटक केली. पोल्ट्रीत कोंबड्या वाहून घेऊन जाणाऱ्या टेम्पोला बुलेट आडवी मारत चालकाला चार जणांच्या टोळक्याने मारहाण करुन ही लूट केली हाेती. (maval latest marathi news)

या घटनेत १४४२ जिवंत कोंबडया तसेच टेम्पोसह ३ मोबाईल असा बारा लाख तीस हजार रुपये किमतीचा मुद्देमाल चोरी करून नेल्याची तक्रार कामशेत पोलीस ठाण्यात (kamshet police station) नाेंदविण्यात आली होती.

या प्रकरणाचा तपास कामशेत पोलीसासह (police) स्थानिक गुन्हे शाखेचे पोलीसांनी केला. यामध्ये सीसीटीव्ही फुटेज बघून पाच संशयितांना ताब्यात घेतले. त्यामध्ये वैभव विद्याधर होगाडे, रॉकी मोंटू शेख, सुखउद्दीन जलालुद्दीन शेख, देविदास संतोष काकडे, वैभव लक्ष्मण कांबळे (सर्व राहणार चिखली) अशी त्यांची नावे आहेत. या सर्वांना अटक केल्याची माहिती पाेलिसांनी दिली. या घटनेतील सत्यम रमेश राठोड याचा शाेध सुरु असल्याचे पाेलिसांनी सांगितले.

Edited By : Siddharth Latkar