संघर्ष गांगुर्डे, कल्याण

Death Body Found In Kalyan Railway Station : कल्याण रेल्वे स्थानक परिसरात रविवारी सकाळी एक धक्कादायक घटना उघडकीस आली. कल्याण पश्चिमेकडील स्टेशन परिसरातील महालक्ष्मी हॉटेलजवळ एका महिलेचा जळालेल्या अवस्थेत मृतदेह आढळून आल्याने परिसरात एकच खळबळ उडाली आहे. या घटनेचा पोलीस तपास करत आहेत.

स्थानिक नागरिकांना हॉटेलजवळ संशयास्पद स्थितीत जळालेल्या अवस्थेत महिला पडलेली दिसून आल्यानंतर त्यांनी तात्काळ पोलिसांना माहिती दिली. घटनेची माहिती मिळताच पोलिसांनी तातडीने घटनास्थळी धाव घेत पंचनामा सुरू केला. प्राथमिक माहितीनुसार संबंधित महिला फिरस्ता असल्याची शक्यता व्यक्त केली जात आहे.

ही घटना आत्महत्येची आहे की घातपाताचा प्रकार आहे, याबाबत अद्याप स्पष्टता आलेली नसून पोलिसांकडून सर्व अंगांनी तपास सुरू आहे. परिसरातील सीसीटीव्ही फुटेजची तपासणी तसेच स्थानिकांकडून चौकशी करण्यात येत आहे.

मृतदेह उत्तरीय तपासणीसाठी शासकीय रुग्णालयात पाठविण्यात आला असून अहवालानंतरच मृत्यूचे नेमके कारण स्पष्ट होणार आहे. या घटनेमुळे स्टेशन परिसरात काही काळ तणावाचे वातावरण निर्माण झाले होते.