कल्याण-डोंबिवली: कल्याण-डोंबिवली शहरात दुचाकी चोरीच्या घटना या सातत्याने घडत आहे. अशाच एका घटनेत कल्याण (Kalyan) गुन्हे शाखा ३ कडून सीसीटीव्हीच्या आधारे चोरट्याचा तपास सुरू होता. याप्रकरणी पोलिसांनी सापळा रचत एकाला अटक केली आहे. (Kalyan-Dombivali Latest News)
हे देखील पाहा -
यातील आरोपी मानपाडा-शीळ रोड परिसरात येणार असल्याची गुप्त माहिती सहायक पोलिस निरीक्षक मोहन कळमकर आणि पोलिस शिपाई गुरुनाथ जरग यांना मिळाली. यांनंतर कल्याण गुन्हे शाखा ३ चे वरिष्ठ पोलीस निरीक्षक किशोर शिरसाठ यांच्या मार्गदशनाखाली पोलिसांनी सापळा रचत प्रीमियर कॉलनी मानपाडा येथून एका आरोपीला ताब्यात घेतले.
पोलिसांनी अधिक तपास केला असता दीड लाख रुपये किंमतीची R15 मोटारसायकल आणि पंचावन्न हजार किंमतीची शाईन मोटारसायकल आणि मोबाईल असा २ लाख १५ हजार किंमतीचा मुद्देमाल हस्तगत केला आहे. तसेच जी मोटारसायकल चोरली आहे, तशाच मोटारसायकलचा नंबर आरोपी चोरलेल्या मोटारसायकलवर लावत असल्याचे पोलिस तपासात उघड झाले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.