Mumbai News : अजित पवार आणि राष्ट्रवादीच्या नव्याने मंत्री झालेल्या नेत्यांनी आज अचानक शरद पवारांची भेट घेचली. या भेटीत झालेल्या चर्चेबद्दल बोलताना जयंत पाटील म्हणाले की, उद्यापासून सुरु होणाऱ्या अधिवेशनाच्या पार्श्वभूमीवर काय रणनिती असावी यासाठी आमची बैठक सुरु होती. त्यावेळी मला अचानक सुप्रियाताईंचा फोन आला. त्यांनी मला तातडीने यशवंतराव चव्हाण सेंटरला बोलावलं.
तेथे राष्ट्रवादीतून फुटलेले सर्व मंत्री आणि विधान परिषदेचे उपाध्यक्ष नरहरी झिरवाळ आणि हे सर्व उपस्थित होते. त्यांनी पवार साहेबांकडे झालेल्या प्रकाराबद्दल दिलगिरी व्यक्त केली. झालेल्या घटनेतून काहीतरी मार्ग तुम्ही काढा अशी विनंती त्यांनी पवार साहेबांना केली आहे. त्यावर शरद पवार साहेबांनी कोणतीही प्रतिक्रिया दिलेली नाही. हे सर्व अचानक आणि अनपेक्षितपणे घटलं आहे. आम्ही सर्व एकत्र बसू आणि यावर चर्चा करुन निर्णय घेऊ, असंही जयंत पाटील यांनी म्हटलं.
अचानकपणे त्यांनी ही भेट घेतलेली आहे. त्यांचा उद्देश काय हे आजच सांगणं अवघड आहे. पक्ष एकत्रित राहावा यासाठी काहीतरी मार्ग काढावा अशी त्यांनी विनंती केली. मात्र पवार साहेबांनी अजूनतरी कोणतीही भूमिका घेतलीली नाही, असं असंही जयंत पाटील यांनी म्हटलं.
राष्ट्रवादीच्या १९ ते २० आमदारांचा आम्हाला पाठिंबा आहे. त्यामुळे विरोधी पक्षनेतेपदाची जबाबदारी काँग्रेसकडे असेल, असंही जयंत पाटील यांनी म्हटलं. (Political News)
आम्ही पवार साहेबांकडे आशिर्वाद मागितले. पक्ष एकसंध कसा राहू शकतो, यासाठी त्यांनी विचार करावा यासाठी आम्ही त्यांच्याकडे विनंती केली आहे, असं प्रुफल्ल पटेल यांनी म्हटलं.
पवार साहेबांनी कोणतीही प्रतिक्रिया दिली नाही. शांतपणे आमचं मत ऐकून घेतलं. त्यानंतर आम्ही बाहेर आलो. उद्यापासून आम्ही आपापल्या विभागाची जबाबादारी विधानसभेमध्ये पार पाडू, असंही प्रफुल्ल पटेल यांनी दिली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.