'आझादी का अमृत महोत्सवा' दरम्यान आम्हाला आमच्या अनेक राष्ट्रीय वीरांची आठवण झाली. १४ ऑगस्टला फाळणीची भीषणता आठवली. गेल्या ७५ वर्षांत आपल्या देशाला पुढे नेण्यात योगदान देणाऱ्या देशातील त्या सर्व नागरिकांचे स्मरण करण्याचा आजचा दिवस आहे, असंही पंतप्रधान नरेंद्र मोदी म्हणाले.

लाल किल्ल्यावरून पंतप्रधान नरेंद्र मोदी देशाला संबोधित करत आहेत. कर्तव्याच्या मार्गावर बलिदान देणाऱ्या बापू, नेताजी सुभाषचंद्र बोस, बाबासाहेब आंबेडकर, वीर सावरकर यांचे नागरिक कृतज्ञ आहेत. कर्तव्याचा मार्ग हाच त्यांचा जीवनमार्ग होता, असंही नरेंद्र मोदी म्हणाले.

76 व्या स्वातंत्र्यदिनी पंतप्रधान नरेंद्र मोदी यांनी लाल किल्ल्यावर राष्ट्रध्वज फडकवला.

नवी दिल्ली : भारत आज ७६ वा स्वातंत्र्यदिन साजरा करत आहे. स्वातंत्र्याच्या या अमृत महोत्सवानिमित्त पंतप्रधान नरेंद्र मोदी लाल किल्ल्यावरुन देशाला संबोधित करणार आहेत. पीएम मोदी लाल किल्ल्यावर तिरंगा फडकवण्याची ही सलग ९वी वेळ असेल. हे वर्ष भारतासाठी खूप खास आहे आणि संपूर्ण देश स्वातंत्र्याचा अमृत म्हणून साजरा करत आहे. पंतप्रधान मोदींनी सर्वप्रथम राजघाटावर पोहोचून राष्ट्रपिता महात्मा गांधी यांना पुष्पहार अर्पण केला. यानंतर ते लाल किल्ल्यावर पोहोचतील आणि तिरंगा फडकवून कार्यक्रमाला सुरुवात करतील. यानंतर सकाळी साडेसात वाजता त्यांचे भाषण सुरू होईल.