बदलापूर - उल्हासनगरात (Ulhasnagar) जुन्या वादातून गावगुंडांनी २ दुचाकी पेटवल्याची घटना घडली आहे. याप्रकरणी २ गावगुंडांना मध्यवर्ती पोलिसांनी (Police) बेड्या ठोकल्या. उल्हासनगरच्या कॅम्प ३ मध्ये अनिल अशोक टॉकीज समोर मिलींद नगर परिसर आहे. या परिसरात रविवारी मध्यरात्रीच्या सुमारास हा दुचाकी जाळण्याचा प्रकार घडला.

हे देखील पाहा -

याठिकाणी राहणारा आकाश शिंदे हा पप्पू गार्डन इथे फिरण्यासाठी गेला असताना तिथे विकी आणि गोलू या दोघांनी जुन्या भांडणाचा राग मनात धरून आकाशला बेदम मारहाण केली. त्यांच्या तावडीतून सुटून आकाश हा घराच्या दिशेने पळाला. त्याचा पाठलाग करत आरोपी विकी आणि गोलू हे आकाशच्या घरापर्यंत आले.

मात्र तिथे आकाश न दिसल्यानं या दोघांनी आकाशच्या घराबाहेर उभ्या असलेल्या दोन दुचाकींवर पेट्रोल ओतून आग लागली. या आगीत दोन्ही दुचाकी जळून खाक झाल्या. या घटनेनंतर आरोपी फरार झाले होते. याप्रकरणी मध्यवर्ती पोलीस ठाण्यात गुन्हा दाखल होताच पोलिसांनी आरोपी मनजीत उर्फ गोलू लबाना आणि विकी सैनी यांना अटक केली.

Edited By - Shivani Tichkule