पुणे: देशात 16 जानेवारीला सर्वत्र लसीकरणाला (Covid-19 Vaccination) सुरुवात झाली. त्यानंतर कधी वेगात तर कधी मंद गतिने लसीकरण सुरु आहे. भारतात सध्या स्वनिर्मीत दोन लसी आहेत. त्याच्या जोडीला काही परदेशी लसी देखील आहेत. परंतू आता एक धक्कादायक आकडेवारी समोर आली आहे. पुण्यात लसीकरणानंतर 41 रुग्णांचा मृत्यू झाला आहेत. त्यात पहिला डोस घेतलेल्या 21 जणांचा तर दुसरा डोस घेतलेल्या 20 जणांचा मृत्यू झाला आहे. पुण्यात सध्या पहिला डोस घेतलेल्यांची संख्या 20 लाख 65 हजार 440 तर दुसरा डोस घेतलेल्यांची संख्या 7 लाख 42 हजार 923 एवढी आहे.

दरम्यान मागिल काही दिवसात महाराष्ट्रामध्ये कोरोनाचे रुग्ण कमी होत आहेत. त्यामुळे टप्याटप्याने महाराष्ट्रात अनलॅाक करण्यात आले आहे. पॅाझिटिव्हिटीच्या दरावरुन निर्बंध कसे असतील हे ठरवण्यात आले आहे. त्यामध्ये पुणे जिल्हा हा तिसऱ्या लेव्हलमध्ये आहे. त्यामुळे व्यापारी वर्गातून मोठी नाराजी व्यक्त केली होती. परंतू, मागच्या आढावा बैठकीत पालकमंत्री अजित पवार यांनी निर्बंध शिथील करण्याचे आदेश दिले होते.

पुणे शहर आणि ग्रामिण भागातील कोरोना परिस्थिचा आढावा आज पालकमंत्री अजित पवार यांनी घेतला. त्यात पुणे शहराचा पॉझिटिव्हीटी रेट 2.57 टक्क्यांवर स्थिर आहे. तर पुणे शहरात 6.96 टक्के ऑक्सिजन बेड्स भरलेले आहेत. ग्रामिण भागाचा विचार केला तर पॉझिटिव्हिटी रेट घटून 3.94 टक्क्यांवर आला आहे. चिंताजनक गोष्ट म्हणजे ग्रामिण भागातील 95 गावे अजूनही कोरोनाचे हॉटस्पॉट आहेत.

पुणे शहरात अजूनही 100 टक्के अनलॅाक झालेले नाही. आज झालेल्या आढावा बैठकीत अजित पवार यांनी निर्बंध जैसे थे ठेवण्यात आले आहे. पुण्यात अजूनही स्विमिंगपुल बंद आहेत. त्याचबरोबर मंदीरं, चित्रपटगृह, नाट्यगृह देखील बंद आहेत. यांना दिलासा मिळतो का? याकडेही पुणेकरांचं लक्ष होतं.

Edited By: Pravin Dhamale