मुंबई: देशातील धर्मांध शक्ती हिजाबचा मुद्दा देशभरात ऐरणीवर आणून मुस्लिम मुलींमध्ये वाढत चाललेल्या शिक्षणाला खीळ घालण्याचा प्रयत्न करीत आहेत. हा डाव ओळखून मुस्लिमांनी शांततेने विचार पूर्वक हा प्रश्न हाताळायला हवा असं मत माजी खासदार मौलाना आझाद विचार मंचचे अध्यक्ष हुसेन दलवाई (Husain Dalwai) यांनी व्यक्त केलाय. (Husain Dalwai says on Hijab Controversy that some intrigue to deprive Muslim girls from education)

हे देखील पहा -

त्याचप्रमाणे एनआरसी (NRC) विरोधी आंदोलनात मुस्लिम महिलांच्या (Muslim Womens) संघटित शक्तीच्या देशभर प्रदर्शनामुळे केंद्र सरकार हादरल्याचं दलवाई म्हणालेत. त्यामुळे असे भावनिक मुद्दे जाणिवपूर्वक पुढे आणले जात असून देशातील शिक्षण संस्थांनी हिजाबला मुद्दा न बनवता मुस्लिम मुलींच्या शिक्षणासाठी प्रयत्न करावेत. मुस्लीम समाजाचे शिक्षण कुठल्याही परिस्थितीत बंद होवू नये याची जबाबदारी समाजाच्या उलमा, शिक्षित वर्ग आणि सामाजिक कार्यकर्त्यांनी घ्यावी असे आवाहन दलवाई यांनी केलयं.

हे देखील पहा -

काश्मिर फाईल्स (The Kashmir Files) सारख्या चित्रपटातून मुस्लिमांविरुद्ध खोटा इतिहास प्रस्थापित केला जात आहे आणि त्यांच्या विरोधी वातावरण भडकावले जात आहे. मुस्लिमांचे सांस्कृतिक, धार्मिक विद्रुपीकरण करून देशामध्ये हिंदू-मुस्लिम (Hindu Muslim) तेढ निर्माण होईल असे कृत्य जाणीवपूर्वक सुरु आहे. अशा कृत्याच्या विरोधात हिंदू समाजातील धर्मनिरपेक्ष विचारवंत पुढे येवून विरोध करीत आहेत याचे स्वागत करीत असताना धर्मनिरपेक्ष हिंदूंचे हात मुस्लिमांनी पाठिंबा व्यक्त करून बळकट करणे क्रमप्राप्त आहे असं देखील दलवाई म्हणाले.

Edited By - Akshay Baisane