अक्षय बडवे

Pune News: गुंतवणुकीच्या नावाखाली नागरिकांची कोटीवधी रुपयांची फसवणूक करणारी बंटी-बबलीची जोडी समोर आली आहे. पुण्यातील दांपत्याने शेकडो लोकांना तब्बल १६ कोटी रुपयांचा गंडा घातल्याची माहिती समोर आली आहे. (Pune News)

पुण्यात राहणाऱ्या अविनाश राठोड आणि त्याची पत्नी विशाखा राठोड यांनी गुंतवणुकीच्या नावाखाली लोकांची ही फसवणूक केली आहे. पैसे गुंतवा यावर चांगले पैसे परत मिळतील असे आमिष दाखवून शेकडो लोकांना या दाम्पत्याने फसवलं आहे.  (Latest News Update)

APS वेल्थ वेंचरचे संचालक अविनाश राठोड आणि त्यांची पत्नी विशाखा यांच्या विरोधात याप्रकरणी गुन्हा दाखल करण्यात आला आहे. पोलिसांनी दिलेल्या माहितीनुसार, हा सगळा प्रकार २०१८ पासून सुरू होता. (Crime News)

या प्रकरणात अविनाश राठोड आणि त्यांच्या पत्नी विशाखा राठोड यांनी ज्यादा परताव्याचे अमिष दाखवून फिर्यादी आणि त्यांच्या नातेवाईकांकडून वेगवेगळ्या स्कीम मध्ये १ कोटी पेक्षा जास्त रुपयांची गुंतवणूक करून घेतली.

मात्र फिर्यादी यांनी जेव्हा परताव्याची मागणी केली तेव्हा त्यांना एकही रुपया परत मिळाला नाही. अशा प्रकारे या दोघांनी मिळून शेकडो लोकांना तब्बल १५ कोटी रुपयांचा गंडा घातला. हा आकडा वाढण्याची शक्यता आहे. या प्रकरणी आता दोघांच्या विरोधात चतुःश्रृंगी पोलिस ठाण्यात गुन्हा दाखल करण्यात आला आहे.