रश्मी पुराणिक -

मुंबई : विरोधी पक्षनेते देवेंद्र फडणवीस (Devendra Fadnavis) यांनी आज विधानसभेत ‘पेनड्राईव्ह बॉम्ब’ टाकून राज्याच्या राजकारणात मोठी खळबळ उडवून दिलीय. राज्य सरकार आणि विशेष सरकारी वकील यांच्यावर फडणवीसांनी गंभीर आरोप केले आहेत. सरकारकडून विरोधकांना संपवण्याचं षडयंत्र आखलं जात असल्याचा गंभीर आरोप देवेंद्र फडणवीस यांनी केला आणि याबाबतचे त्यांनी पुरावे देखील जाहीर केल्याने सत्ताधाऱ्यांना चांगलाच धक्का बसला आहे.

पहा व्हिडीओ -

या प्रकरणामुळे अनेक मंत्री अडचणीत येणार असल्याची शक्यता आहे. मात्र त्यांच्या आरोपांमुळे सत्ताधारी चांगलेच हादरलेले दिसतायत. या प्रकरणावरती बोलण्यास गृहराज्य मंत्र्यांनी नकार दिला आहे. तर या आरोपांबाबत बोलताना गृहमंत्री दिलीप वळसे पाटील (Home Minister Dilip Walse Patil) म्हणाले की अजून मी व्हिडीओ पाहिले नाहीत. उद्या मी यावर उत्तर देईन. व्हिडीओची सत्यता पडतळावी लागेल. जे आरोप झालेत त्यावर उद्या सविस्तर बोलेन, असं दिलीप वळसे पाटील यांनी सांगितलं असलं तरी उद्या उत्तर देण्याआधी ते महाविकास आघाडीचे सर्वेसर्वा शरद पवार (Sharad Pawar) यांच्या भेटीला गेल्याने राजकीय चर्चांना उधान आलं आहे.

Edited By - jagdish Patil