मुंबई: राज्यात १० वी आणि १२ वीच्या परीक्षा ऑफलाईन ऐवजी ऑनलाईन (Online examination) घेण्यात यावे, या मागणीसाठी विद्यार्थी रस्त्यावर उतरले आणि आंदोलन सुरू केले होते. (Students protest). मुंबईत शालेय शिक्षणमंत्री वर्षा गायकवाड (Varsha Gaikwad) यांच्या घराबाहेर मोठ्या संख्येत विद्यार्थी एकवटले आणि आंदोलन सुरू केले होते. विद्यार्थ्यांच्या या आंदोलनामुळे एकच खळबळ उडाली. या प्रकरणात आता मुंबई पोलिसांनी कारवाई केली आहे. धारावी पोलिसांनी हिंदुस्तानी भाऊ (Hindustani Bhau) अर्थात विकास पाठक (Vikas Pathak) याला अटक करण्यात आली आहे.

हे देखील पहा-

धारावी पोलिसांनी हिंदुस्तानी भाऊ म्हणजे विकास पाठक याला अटक केली आहे. आज त्याला न्यायालयात हजर केले जाणार आहे. विद्यार्थ्यांना भडकावल्याचा आरोप त्याच्यावर करण्यात आला आहे. या प्रकरणामध्ये सर्वप्रथम हिंदुस्थानी भाऊ याच्या विरोधात गुन्हा दाखल करण्यात आला होता. त्यानंतर त्याला पोलिसांनी अटक केले आहे.

राज्यात महाविद्यालयांमध्ये ऑफलाईन परीक्षा घेण्याचा निर्णय राज्य सरकारने जाहीर केला आहे. पण, या निर्णयाच्या विरोधामध्ये नागपूर, मुंबई, पुणे आणि बीडमध्ये मोठ्या संख्येनं विद्यार्थी रस्त्यावर उतरले आहे. मुंबईत शिक्षणमंत्री वर्षा गायकवाड यांच्या घराबाहेरच विद्यार्थ्यांनी निदर्शने देखील करण्यात आले आहे. एकाच वेळी वेगवेगळ्या ठिकाणी विद्यार्थी रस्त्यावर उतरल्यामुळे गृहमंत्री दिलीप वळसे पाटील यांनी संशय व्यक्त केला असून चौकशीचे आदेश देण्यात आले आहे.

Edited By- Digambar Jadhav