सचिन जाधव, साम टीव्ही

hindavi patil news : पुणे महापालिकेच्या अतिक्रमण विभागाने शहरात कारवाईचा सपाटा लावला आहे. पालिकेने पुण्यातील विमाननगर परिसरात दुकानादारांच्या अतिक्रमणावर करवाई केली. याच भागात प्रसिद्ध डान्सर हिंदवी पाटीलचा चहाचा स्टॉल आहे. हिंदवीच्या चहाच्या स्टॉलवरही पालिकेने कारवाई केली आहे. या कारवाईनंतर हिंदवी पाटील ढसाढसा रडत दु:खही व्यक्त केलं. तसेच पालिकेच्या कारवाईनंतर हिंदवी पाटीलने प्रशासनाला अनेक सवाल केले आहेत.

पुण्यातल्या विमाननगर परिसरात हिंदवी पाटीलचा चहाचा स्टॉल आहे. तिच्या या दुकानाची पाटी महानगरपालिका अतिक्रमण विभागाने तोडली. पालिकेच्या कारवाईनंतर हिंदवीला अश्रू अनावर झाले. पालिकेच्या कारवाईमुळेहिंदवी पाटील ढसाढसा रडली. पालिकेच्या कारवाईनंतर प्रसिद्ध डान्सर हिंदवी पाटीलचा ढसाढसा रडल्याचा एक व्हिडिओ वायरल होत आहे.

पालिकेच्या कारवाईनंतर हिंदवी पाटीलने आज पालिका आयुक्त आणि अधिकाऱ्यांची भेट घेतली. त्यानंतर हिंदवीने कारवाईवर अनेक सवाल उपस्थित केले आहेत. माझ्याच दुकानावर हातोडा का? असा प्रश्न हिंदवीने उपस्थितीत केला आहे. माझ्या दुकानावर कारवाई का केली? कोणी करायला सांगितली, असे सवाल हिंदवीने केले. दुकानावर हातोडा मारण्याऱ्या अधिकाऱ्यांवर कारवाई करण्याची मागणी हिंदवी पाटीलने केली आहे.

काय आहे प्रकरण?

विमाननगर परिसरात हिंदवी पाटीलचं सह्याद्री अमृततुल्य नावाचं दुकान आहे. हिंदवीच्या दुकानावर पालिकेच्या अतिक्रमण विभागाची कारवाई केली. 'रांगेतील इतर कुठल्याही दुकानावर कारवाई नाही, माझ्याच का?' चुकून कारवाई झाल्याचं अधिकाऱ्यांनी सांगितल्याचा हिंदवीने दावा केला आहे. या कारवाईची चौकशी झाली पाहिजे. अनधिकृत दुकानांवर कारवाई झाली पाहिजे. माझ्या दुकानावर कारवाई कोणी करायला सांगितली हे पण मला माहिती झालं पाहिजे, अशी मागणी हिंदवी पाटीलने केली आहे.