दिलीप कांबळे, मावळ

लोणावळ्यामध्ये पावसाची जोरदार (Lonavala Rainfall) बॅटिंग सुरू आहे. लोणावळा आणि आसपासच्या परिसरामध्ये मुसळधार पाऊस पडत आहे. गेल्या तासाभरापासून या याठिकाणी पाऊस पडत आहे. मुंबई-पुणे एक्स्प्रेस वेवर मुसळधार पावसामुळे दृश्यमानता कमी झाली आहे. त्यामुळे याठिकाणावरून दोन्ही मार्गिकेवरून प्रवास करणाऱ्या प्रवाशांचे हाल होताना दिसत आहे. वाहन चालकांना अतिशय सावकाश वाहनं चालवावी लागत आहेत.

लोणावळ्यात मुसळधार पाऊस पडत आहे. या पावसामुळे जुना पुणे-मुंबई महामार्गावर वाहन चालकांची चांगलीच तारांबळ उडाली. मात्र लोणावळ्यात आलेले पर्यटकांना पावसात भिजण्याची चांगलीच संधी मिळाली. पावसामुळे लोणावळ्यात आल्हाददायक वातावरण तयार झाले आहे. त्यामुळे आता पर्यटकांची पावले लोणावळ्याकडे वळू लागली आहेत.

पर्यटन नगरी म्हणून ओळखल्या जाणाऱ्या लोणावळ्यात यावर्षी मोठ्या प्रमाणात उकाडा निर्माण झाला होता. लोणावळ्यातील तापमान हे जवळजवळ ४१ अंशापर्यंत गेले होते. मात्र आता आलेल्या या पावसामुळे लोणावळ्यात आनंदाचे वातावरण पाहायला मिळत आहे. या पावसामुळे लोणावळाकरांसोबत पर्यटक देखील सुखावले आहेत. या पावासामुळे आतापासून पर्यटकांची पाऊले लोणावळ्याच्या दिशेने जाण्यास सुरूवात झाली आहे.

इंद्राणी भाताचा आगर म्हणून ओळखले जाणाऱ्या मावळात मोठ्या प्रमाणात भात शेती केले जाते आणि या पावसाचा भाताला मोठा फायदा होणार आहे. त्यामुळे या पावसामुळे बळीराजा आनंदित झालेला आहे.