मुसळधार पावसाचा कोकण रेल्वेला मोठा फटका बसला आहे. विन्हेरे व दिवाणखवटी स्टेशन दरम्यान बोगद्याजवळ ट्रॅकवर माती आल्यामुळे कोकण रेल्वेची वाहतूक बंद झाली आहे. यामुळे मांडवी एक्स्प्रेस खेड स्थानकातच थांबवण्यात आली आहे. पावसामुळे एकीकडे रस्त्यावरील वाहतूक मंदावलेली असताना आता रेल्वेला देखील फटका बसला आहे.

मिळलेल्या माहितीनुसार, दिवाणखवटी जवळ बोगद्यात ट्रॅकवर माती आल्यामुळे रेल्वे वाहतूक विस्कळीत झाली आहे. यामुळे गंगानगर एक्स्प्रेस कामथे स्थानकातवर थांबवण्यात आली आहे. तेजस आणि जनशताब्दी एक्स्प्रेसही रत्नागिरीत थांबण्यात आली आहे.

कोकणात गेल्या दोन दिवसांपासून मुसळधार पाऊस सुरु आहे. यातच दिवाणखवटी परिसरात दरड कोसळल्यामुळे रेल्वे रुळावर माती साचली असून या मार्गावरील रेल्वे वाहतूक पूर्णपणे ठप्प झाली आहे. गेल्या तीन ते चार तासांपासून ही वाहतूक ठप्प आहे.

वाहतूक ठप्प झाल्यामुळे अनेक गाड्या या वेगवेगळ्या स्थानकांवर थांबवण्यात आपल्या आहेत. यामुळे प्रवाशांचे मोठे हाल होत असल्याचं पाहायला मिळत आहे. रुळावरील माती हटवण्याची कोकण रेल्वेकडून युद्धपातळीवर प्रयत्न सुरु आहे.

चिपळूणमध्ये पूरस्थिती कायम

चिपळूणमध्ये मुसळधार पावसामुळे नदीला पूर आला आहे. येथील अनेक भागात पुराचे पाणी साचले असून स्थानिकांना आपल्या घरी जाण्यासाठीदिड ते दोन फुटापर्यंत पाण्यातून जावं लागत आहे. पावसचा जोर कायम आहे. अशीच परिस्थिती राहिल्यास पुराचा धोका वाढू शकतो.