भोंदूबाबा अशोक खरातचे एक पाठोपाठ एक कारनामे उघड होऊ लागले आहेत. या खरातने १०० हून अधिक महिलांचे लैंगिक शोषण केल्याचा दावा केला जात आहे. उच्चभ्रू आणि सेलिब्रिटींचा सतत गराडा असणार्‍या अशोक खरात ५०० कोटींचा मालक असल्याचे समोर आले आहे. भोंदूबाबा कॅप्टन अशोक खरातच्या प्रॉपर्टीची यादी समोर आली आहे.

भोंदूबाबा कॅप्टन अशोक खरातच्या लैंगिक शोषणाच्या व्हिडिओने महाराष्ट्र हादरला आहे. या प्रकरणी नाशिक पोलिसांनी भोंदूबाबाला अटक केली आहे. भोंदूबाबा कॅप्टन अशोक खरातचे बिंग फोडणाऱ्या नीरज जाधव याला देखील अटक केली आहे. शेकडो महिलांचं शोषण करणाऱ्या खरातच्या प्रॉपर्टीची यादी समोर आली आहे.

नाशिकच्या नराधमाचे नाशिक आणि अहिल्यानगर भागातही ३० हून अधिक ठिकाणी प्लॉट्स खरेदी केले आहेत. या सर्व जमिनींची किंमत जवळपास 500 कोटींच्या घरात जाण्याची शक्यता आहे. अशोक खरातसह त्याची बायको, मुलगी, नातेवाईकांच्या नावावर संपत्ती असल्याचे समोर आलं आहे. या सर्व मालमत्ताची तपासणी होणार का ? याकडे साऱ्यांचं लक्ष लागलं आहे.

नाशिकच्या सिन्नर तालुक्यात अशोक खरातची मोठी गुंतवणूक आहे. जमिनींसह सिन्नर शिर्डी रस्त्यावर हार्डवेअरचे मोठं शो रूम आहे. शिवसंकल्प हार्डवेअर दुकान पत्नीच्या नावावर आहे. त्याचे शो रूम मेव्हणा सांभाळतोय. तर कोट्यावधींची बेनामी जमिनींसह बांधकाम व्यवसायात देखील खरातची भागीदारी असल्याची माहिती समोर आली आहे.