सूरज सावंत/सचिन जाधव

Mumbai News :

मुंबई, पुण्याच्या गणपती विसर्जनाला गालबोट लागल्याच्या घटना समोर आल्या आहे. मुंबईत नाचताना धक्का लागल्याच्या वादातून तरुणावर चाकू हल्ला झाल्याची घटना समोर आली आहे. तर पुण्यातही दोन गटात तुंबळ हाणामारी झाल्याचा प्रकार घडला आहे.

मुंबईतील मुलुंडमध्ये गणेश विसर्जनादरम्यान नाचताना धक्का लागल्याच्या वादातून तरुणावर चाकू हल्ला झाला आहे. अमर नगर सर्कल, मच्छी मार्केट, गुरू गोविंद सिंग मार्ग मुलुंड येथील काल रात्री उशिराची ही घटना आहे.

गणेश खंदारे हा २३ वर्षाचा तरुण यामध्ये जखमी झाला असून त्याच्यावर घाटकोपरच्या राजावाडी रुग्णालयात उपचार सुरू आहेत. या प्रकरणी हल्ला करणाऱ्या दोन तरुणांना पोलिसांनी ताब्यात घेतले आहे. (Latest Marathi News)

पुण्यात हाणामारीची घटना

पुण्यात सहकारनगर पोलीस स्टेशन जवळ काल २ गटात मारामारी व दगडफेक झाल्याची घटना घडली आहे. गणेश विसर्जनदरम्यान हा प्रकार घडला आहे. हा वाद नेमका पोलीस याबाबत अधिक तपास करत आहेत. (Political News)

या घटनेच्या व्हिडीओ आता समोर आला आहे. यामध्ये दिसत आहे की दोन गट एकमेकांना लाठ्या-काठ्या, दगड-विटा मारताना दिसत आहेत. काही महिला हे भांडण सोडवण्याचाही प्रयत्न करतान दिसत आहेत. मात्र या दोन्ही घटनांमुळे मुंबई-पुण्यातील गणपती मिरवणुकींना गालबोट लागलं आहे.