Ganeshotsav 2025 : गणेशोत्सवाला अवघे काही दिवस शिल्लक उरले आहेत. आतापासूनच गणेशोत्सवाची तयारी सुरु झाली आहे. कोकणातून अनेकजण मुंबई, पुणे या महानगरांमध्ये कामाच्या निमित्ताने येत असतात. पुण्यात कामासाठी येणाऱ्या नोकरदार वर्गाची संख्या वाढत असल्याचे पाहायला मिळत आहे. पुण्यात कोकणातील बरेचसे लोक राहतात. गौरीगणपतीच्या सणाला गावी जाण्यासाठी पुण्यातल्या चाकरमान्यांची लगबग सुरु झाली आहे. या चाकरमान्यांसाठी मध्य रेल्वे प्रशासनाने गणेशोत्सव स्पेशल गाड्यांचे नियोजन केले आहे.

१) पुणे ते रत्नागिरी साप्ताहिक विशेष गाड्या (६ सेवा)

गाडी क्रमांक 01447 (पुणे ते रत्नागिरी):

शनिवार दिनांक २३ ऑगस्ट, ३० ऑगस्ट आणि ६ सप्टेंबर २०२५ रोजी पुणे येथून रात्री १२.२५ वाजता (मध्यरात्री) सुटेल आणि त्याच दिवशी सकाळी ११.५० वाजता रत्नागिरी येथे पोहोचेल.

गाडी क्रमांक 01448 (रत्नागिरी ते पुणे):

शनिवार दिनांक २३ ऑगस्ट, ३० ऑगस्ट आणि ६ सप्टेंबर २०२५ रोजी रत्नागिरी येथून संध्याकाळी ५.५० वाजता सुटेल आणि पुणे येथे दुसऱ्या दिवशी सकाळी ५.०० वाजता पोहोचेल.

थांबे: चिंचवड, तळेगाव, लोणावळा, कल्याण, पनवेल, पेण, रोहा, माणगाव, वीर, करंजडी, खेड, चिपळूण, सावर्डा, आडवली रोड आणि संगमेश्वर रोड.

डब्यांची रचना:

- 1 वातानुकूलित द्वितीय श्रेणी

- 4 वातानुकूलित तृतीय श्रेणी

- 11 शयनयान डबे

- 4 सामान्य द्वितीय श्रेणी डबे

- 2 गार्ड ब्रेक व्हॅन (द्वितीय आसन व्यवस्था)

२) पुणे ते रत्नागिरी वातानुकूलित साप्ताहिक विशेष गाड्या (६ सेवा)

गाडी क्रमांक 01445 (पुणे ते रत्नागिरी – वातानुकूलित):

मंगळवार दिनांक २६ ऑगस्ट, २ सप्टेंबर आणि ९ सप्टेंबर २०२५ रोजी पुणे येथून रात्री १२.२५ वाजता (मध्यरात्री) सुटेल आणि त्याच दिवशी सकाळी ११.५० वाजता रत्नागिरी येथे पोहोचेल.

गाडी क्रमांक 01446 (रत्नागिरी ते पुणे – वातानुकूलित):

मंगळवार दिनांक २६ ऑगस्ट, २ सप्टेंबर आणि ९ सप्टेंबर २०२५ रोजी रत्नागिरी येथून संध्याकाळी ५.५० वाजता सुटेल आणि पुणे येथे दुसऱ्या दिवशी सकाळी ५.०० वाजता पोहोचेल.

थांबे: चिंचवड, तळेगाव, लोणावळा, कल्याण, पनवेल, पेण, रोहा, माणगाव, वीर, करंजडी, खेड, चिपळूण, सावर्डा, आडवली रोड आणि संगमेश्वर रोड.

डब्यांची रचना:

- 3 वातानुकूलित द्वितीय श्रेणी

- 15 वातानुकूलित तृतीय श्रेणी

- 1 गार्ड ब्रेक व्हॅन (द्वितीय आसन व्यवस्था)

-1 जनरेटर कार

ही दोन्ही गाड्या गणेशोत्सवाच्या पार्श्वभूमीवर गर्दी लक्षात घेता प्रवाशांनी वेळेपूर्वी आरक्षण करून घ्यावे.