संघर्ष गांगुर्डे, साम टीव्ही

सामूहिक बलात्काराचा आरोप असलेले भाजपचे माजी आमदार नरेंद्र पवार आणि बडतर्फ पोलिस शैलेश पाटील यांच्या विरोधात भिवंडीतील पडघा पोलिस ठाण्यात गुन्हा दाखल करण्यात आला आहे. पाेलिसांनी आरोपींना अद्याप अटक केलेले नाही. पीडितेची सोशल मीडिया बदनामी सुरु असून तिच्या जीविताला धोका आहे,अशी माहिती या प्रकरणाला वाचा फोडणाऱ्या कल्याण डोंबिवली महापालिकेतील काँग्रेस पक्षाच्या गटनेत्या कांचन कुलकर्णी यांनी दिली आहे.

हे प्रकरण आरोपींकडून दाबण्याचा प्रयत्न केला जात आहे. या प्रकरणातील बडतर्फ पोलिस पाटील याच्याकडील सर्व्हिस रिव्हॉल्व्हर पोलिसांनी जप्त केलेले नाही. त्याचा परवाना देखील रद्द करण्यात आलेला नाही. पीडिता एका सामाजिक संस्थेकडे दाद मागण्यासाठी गेली असता तिच्यावर दबाव आणला गेला. अखेरीस पीडिता कुलकर्णी यांच्या संपर्कात आल्यावर पीडितेने पोलिस ठाण्यात तक्रार दिली.

त्यानंतर संंबंधितांच्या विरोधात गुन्हा दाखल करण्यात आला. पीडितेच्या शरीरावर जखमा आहेत. तिला रुग्णालयात दाखल करुन तिच्यावर उपचार करण्याची गरज असल्याचे कुलकर्णी यांनी सांगितले.