• कल्याणमध्ये कथित सेक्स रॅकेटवर पोलिसांचा छापा

• प्रसिद्ध महिला वकिलेला अटक करण्यात आली

• दोन पीडित महिलांची सुटका करण्यात आली

• या प्रकरणात आणखी आरोपी असण्याची शक्यता

संघर्ष गांगुर्डे, कल्याण

कल्याणमध्ये प्रसिद्ध महिला वकिलाला सेक्स रॅकेटप्रकरणी पोलिसांनी अटक केली. पोलिसांनी दोन पीडित महिलांची सुटका केली. या घटनेमुळे कल्याणमध्ये खळबळ उडाली आहे. ठाणे मानव तस्करी प्रतिबंधक कक्षाने ही कारवाई केली. गेल्या तीन महिन्यापासून ती सेक्स रॅकेट चालवत असल्याची धक्कादायक माहिती समोर आली आहे. आणखी किती मुलींना वकील मनीषाने सेक्स रॅकेटमध्ये अडकवले आहे याचा तपास कोळसेवाडी पोलिसांकडून सुरू आहे.

मिळालेल्या माहितीनुसार, कल्याण शहरातील एका नामांकित महिला वकिलाला कथित सेक्स रॅकेट चालवल्याप्रकरणी ठाणे मानव तस्करी प्रतिबंधक कक्षाने अटक केली. या कारवाईत २ पीडित तरुणींची सुटका करण्यात आली. या प्रकरणामुळे कल्याणमध्ये एकच खळबळ उडाली आहे. अटक करण्यात आलेल्या महिला वकिलाचे नाव मनीषा नांदे असल्याची माहिती समोर आली आहे. त्या कल्याण आणि पनवेल येथील न्यायालयांमध्ये वकिली व्यवसाय करत होत्या.

पोलिसांनी दिलेल्या माहितीनुसार, गेल्या ३ महिन्यांपासून कल्याण पूर्वेतील एका नामांकित हॉटेलमध्ये हा कथित देहविक्रीचा व्यवसाय सुरू असल्याची गुप्त माहिती मानव तस्करी प्रतिबंधक कक्षाला मिळाली होती. त्यानुसार सापळा रचून छापा टाकण्यात आला. या कारवाईत दोन पीडित तरुणींची सुटका करण्यात आली. तर या प्रकरणात पोलिसांनी वकील मनीषा नांदे यांना बेड्या ठोकल्या.

मनीषा कांदेने आणखी किती तरुणींना या रॅकेटमध्ये ओढले?, त्याच बरोबर हॉटेल चालकाचा यामधील सहभाग काय? याचा तपास कोळसेवाडी पोलिस करत आहेत. या रॅकेटमध्ये इतर कोणाचा सहभाग आहे का? याचाही तपास पोलिसांकडून सुरू असून ते अधिक माहिती गोळा करत आहेत. या प्रकरणाबाबत पोलिस निरीक्षक एस. जी. नाईक यांनी कारवाईची माहिती दिली असून तपास पूर्ण झाल्यानंतर आणखी धक्कादायक बाबी समोर येण्याची शक्यता पोलिसांनी व्यक्त केली आहे.