शिवाजी काळे -

Eknath Shinde News : केंद्रीय निवडणूक आयोगाने धनुष्यबाण चिन्ह गोठवल्यानंतर शिवसेनेच्या दोन्ही गटाच्या राजकीय हालचालींना वेग आला आहे. ठाकरे गटाने आपल्या गटासाठीची नवीन नावाची यादी निवडणूक आयोगाला पाठवली आहे.

अशातच आता मुख्यमंत्री एकनाथ शिंदे गटाने देखील आपल्या गटासाठीचं नावं सुचवली असून त्यानुसार बाळासाहेब ठाकरे, बाळासाहेबांची शिवसेना आणि शिवसेना बाळासाहेबांची ही तीन नावं आता शिंदे गटाने आयोगाला पाठवली आहेत.

पाहा व्हिडीओ -

तर काल ठाकरे गटाकडून शिवसेना बाळासाहेब ठाकरे, शिवसेना बाळासाहेब प्रबोधनकार ठाकरे आणि तिसरे शिवसेना उद्धव बाळासाहेब ठाकरे ही नावं पाठविण्यात आली आहेत. महत्वाची बाब म्हणजे ठाकरे गटाने पाठवलेल्या नावांमध्ये देखील बाळासाहेबांच्या नावाचा उल्लेख आहे.

त्यामुळे आता नवा पेच आयोगासमोर उपस्थित होणार आहे. दरम्यान, उद्धव ठाकरे यांनी आपल्या गटासाठी त्रिशूळ, उगवता सूर्य, धगधगती मशाल ही तीन चिन्ह तर शिंदे गटाकडून उगवता सूर्य, तुतारी, तलवार, गदा ही चिन्हं सुचविण्यात आली आहेत.