अभिजित देशमुख 
डोंबिवली : ठाकुर्ली- डोंबिवली रेल्वे स्थानकादरम्यान मुंबईच्या (Mumbai) दिशेने जाणाऱ्या टिटवाळा एसी लोकलवर रेल्वे (Railway) रुळालगत उभ्या असलेल्या एका माथेफिरूने दगडफेक केली. ही घटना आज सकाळी नऊ वाजेच्या सुमारास घडली. अचानक झालेल्या दगडफेकीमुळे रेल्वेतील प्रवाशी घाबरले होते. (Breaking Marathi News)

अनेकदा धावत्या रेल्वेवर दगडफेक झाल्याच्या घटना घडलेल्या आहेत. यात प्रवाशी जखमी देखील झाले आहेत. तर आज मुंबईच्या दिशेने जात असलेल्या एसी लोकल ट्रेनवर (Mumbai Local) देखील एकाने दगडफेक केल्याची घटना घडली. या दगडफेकीत सुदैवाने कोणी प्रवाशी जखमी झाला नाही. मात्र या घटनेने रेल्वेतील प्रवाशी भयभीत झाले होते.   

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

प्रवांशानी केली तक्रार 

दगडफेकीत लोकलच्या खिडकीची काच फुटली असून सुदैवाने या दगडफेकीत कुणी प्रवासी जखमी झाले नाही. याबाबत प्रवाशांनी रेल्वेला तक्रार केल्यानंतर रेल्वे सुरक्षा बलाच्या अधिकाऱ्यांनी तत्काळ घटनास्थळ गाठले. याच परिसरातुन एका संशयित माथेफिरूला रेल्वे सुरक्षा बलाने ताब्यात घेतले. त्याची चौकशी सुरू आहे. त्याने दगडफेक का केली हे चौकशीअंती स्पष्ट होणार आहे.