अभिजित देशमुख

पाण्याची बोटल खरेदी करण्याच्या बहाण्याने एक चोरटा 72 वर्षीय वृद्ध महिलेच्या दुकानात गेला. संधी साधत वृद्ध महिलेच्या गळ्यातील महागडी चेन हिसकावून पळ काढला. घटना पाहिल्यानंतर काही नागरिकांनी ,पोलिसांनी चोरट्याचा पाठलाग सुरू केला. नागरिक आपल्याला मारतील या भीतीने चोरट्याने नाल्यात उडी मारली, मात्र पोलिसांनी नाल्यात उडी मारत या चोरट्याला अटक केली तर त्याच्या साथीदाराच्या पोलीस शोध घेत आहेत. गणराज छपरवाल असं या चोरट्याचं नाव आहे.

डोंबिवली पूर्वेत कल्याण शीळ रस्त्यावर निस्मीता टी स्टॉल आहे. ७२ वर्षीय गुलाबी पुजारी या वृद्ध महिला हे दुकान चालवतात. मंगळवारी दुपारी आजी आपल्या दुकानात ग्राहकांसाठी चहा तयार करीत असताना पाण्याची बॉटल पाहिजे असल्याचा बहाणा करत दोन जण त्यांच्या दुकानात आले. पुजारी त्यांना पाण्याची बॉटल देण्यासाठी मागे फिरल्या असताना संधी साधत यामधील एका चोरट्याने त्यांच्या गळ्यातील महागडी चेन हिसकावली.

याच दरम्यान या चोरट्याचा साथीदार दुकानाबाहेर स्कुटी घेऊन उभा होता. प्रकार घडल्यानंतर गुलाबी पुजारी यांनी जोरजोरात ओरडायला सुरुवात केली. हे पाहून लोक दुकानाकडे धावले. दुकानाजवळ काही अंतरावर पोलीस देखील या रस्त्यावर उभे होते. ते देखील दुकानाकडे धावून आले. हे बघून चोरट्याचा साथीदाराने आपली स्कुटी चालू केली आणि तिथून पळ काढला.मात्र ज्यांनी चैन हिसकावून घेतली होती तो चोरट्या रस्त्यावर पळत होता.

लोकांनी आपला पाठलाग सुरू केलाय . पकडले गेलो तर मारतील या भीतीने या चोरट्याने रस्त्याच्या बाजूला असलेल्या मोठ्या नालात उडी मारली. त्यांनी उडी मारताच पोलिसांनी देखील नाल्यात उडी मारली. चोरट्याला पकडलं .चोरलेली चैन त्या नालात पडली. मानपाडा पोलिसांनी गणराज छपरवाल या चोरट्याला अटक केली आहे. त्याच्या साथीदार भूषण जाधव याचा पुढील शोध घेत आहेत. गणराज हा डोंबिवली पूर्वेतील त्रिमूर्ती नगर शेलारा नाका परिसरात राहतो.