तुम्ही मेथीची भाजी मिटक्या खाताय? तर सावधान. कारण तुमच्या ताटातली भाजीमुळे तुम्हाला जीवघेणा आजार होऊ शकतो. आम्ही हे का सांगतोय? भाजी जीवघेणी कशी ठरु शकते? जाणून घेऊयात या स्पेशल रिपोर्टमधून.

ताजी ताजी हिरवी भाजी मिळाली, असं म्हणत तुम्ही खूश होत असाल तर हा व्हिडीओ पाहा. हा व्हिडीओ पाहून तुमच्या डोक्यात तिडीक गेल्याशिवाय राहणार नाही. कारण तुम्ही भाजी विकत घेण्याआधी ती चक्क गटाराच्या पाण्यात धुतली जात असल्याचा किळसवाणा प्रकार उल्हासनगरच्या खेमाणी मार्केट परिसरातून समोर आलाय. भाजी धुण्याच्या या घाणेरड्या प्रकारामुळे गंभीर आजारही होऊ शकतात.

निरोगी राहण्यासाठी आहारात हिरव्या भाज्यांचा वापर करण्याच्या नादात तुम्ही गंभीर आजाराचे बळी ठरु शकता.त्यामुळे तुम्ही खात असलेल्या भाज्या गटाराच्या पाण्याने धुतल्या जात तर नाहीत ना? याची खबरदारी आता तुम्हालाच घ्यायला हवी.