सुशांत सावंत

मुंबई - हिवाळी अधिवेशनाला आजपासून सुरुवात होत असून, काल विरोधकांनी सरकारच्या चहापानावर बहिष्कार टाकत अधिवेशनात विविध मुद्द्यावर सरकारला घेरण्याचा निर्धार केला आहे. याच पार्श्वभूमीवर विधानसभेचे विरोधीपक्ष नेते देवेंद्र फडणवीस यांनी आज भाजपच्या सर्व आमदारांसाठी जेवणाचा कार्यक्रम आयोजित केला आहे. यावेळी संपूर्ण अधिवेशन काळात सरकारला कसे घेरायचे याचा मास्टर प्लॅन देखील आखला जाणार आहे. तसेच भाजपमधील काही नाराज आमदारांची नाराजी देखील दूर करण्याचा यावेळी प्रयत्न केला जाणार आहे.

हे देखील पहा -

तर दुसरीकडे या अधिवेशनात विरोधकांच्या प्रश्नांबरोबर विध्येयक मंजूर करतांना सत्ताधारी महाविकास आघाडीची कसरत असणार आहे. अधिवेशनाआधी आज 9 वाजता मुख्यमंत्र्यांनी महाविकास आघाडीच्या प्रमुख मंत्र्यांची बैठक बोलावली आहे. भरती परिक्षांमधील घोळ,प्रकुलपती नियुक्ती,एस टी कामगार संप, शक्ती कायदा या बरोबर विधान सभा अध्यक्ष पदाच्या होणाऱ्या निवडणुकी बाबत या बैठकीत केली जाणार असल्याची माहिती आहे.

Edited By - Shivani Tichkule