गोपाल मोटघरे, पिंपरी चिंचवड प्रतिनिधी

Pimpri - Chinchwad, Pune Latest News Update : पिंपरी चिंचवडमधील ३ मित्रांचा राजस्थानमधील भीषण अपघातात जागीच मृत्यू झाला. तिघे मित्र २७ फेब्रुवारी रोजी राजस्थानला फिरायला गेले होते. घराकडे माघारी येत असताना आज सकाळी दिल्ली-मुंबई एक्सप्रेसवेवर फॉर्च्यूनर कारचा भीषण अपघात झाला. यामध्ये कारचा चुराडा झाला. कारमधील तीन मित्रांचा जागीच मृत्यू झालाय. या दुर्घटनेची माहिती मिळताच पिंपरी चिंचवड शहरावर दुखाचा डोंगर कोसळलाय.

पिंपरी चिंचवड शहरातील ३ तरुणांच्या आलिशान फॉर्च्यूनर कारचा भीषण अपघात झाला. पर राज्यात पर्यटनासाठी गेलेल्या तरूणावर काळाने घाला घातला अन् ३ जणांचा मृत्यू झाला. मुंबई-दिल्ली महामार्गावर झालेल्या या अपघातानंतर वाहतूककोंडी झाली होती. मुंबईकडे जाणाऱ्या लेनवर वाहनांच्या लांबच लांब रांगा लागल्या होत्या. अपघाताची माहिती मिळतच पोलिसांनी घटनास्थळी धाव घेतली. त्यांनी तात्काळ मृतदेह ताब्यात घेतले अन् पोस्टमार्टमसाठी पाठवले. अपघातग्रस्त वाहने ताब्यात घेऊन पोलिसांनी तात्काळ वाहतूक सुरळीत केली.

राजस्थान राज्यातून जाणाऱ्या दिल्ली - मुंबई महामार्गावर आज सकाळी भीषण अपघात झाला आहे. या अपघातामुळे पिंपरी चिंचवड शहरावर मोठी शोककळा पसरली आहे. २७ तारखेला फॉर्च्यूनर कार घेऊन जाणाऱ्या तीन तरणांचा मृत्यू झाला. पिंपरी चिंचवड शहरातील तरुणांचा एक ग्रुप पर्यटनासाठी परराज्यात गेला होता. या ग्रुपमध्ये थेरगाव, वाकड आणि महाळुंगे येथील तरुणांचा समावेश आहे. या तीन आलिशान फॉर्च्यूनर कार पैकी एका फॉर्च्यूनर कारला आज सकाळी मुंबई - दिल्ली महामार्गावर भीषण अपघात झाला आहे. पोलिसांकडून मृताची ओळख पटवण्यात येत आहे.