Daund Police Station : महिलेवर सातत्याने अत्याचार केल्याप्रकरणी राष्ट्रवादी काॅंग्रेसच्या (ncp) माजी गटनेत्याच्या मुलासह सहा जणांवर दौंड पोलिसांनी (daund police) गुन्हा दाखल केला आहे. पीडिला तिच्या नव-याला सोडचिठ्ठी दे आणि माझ्याशी विवाह कर अन्यथा संपूर्ण कुटुंबाला संपवून टाकेन अशी धमकी दिल्याचे तक्रार पीडितेने पोलिसांत केली आहे.

दौंड पोलिसांनी दिलेल्या माहितीनूसार वसीम बादशहा शेख (रा. कुंभार गल्ली, दौंड) याच्या पत्नीने १९ नोव्हेंबर २०२१ रोजी पीडित विवाहितेला वसीम व तिच्या लग्नाच्या वाढदिवसानिमित्त घर बोलावले होते. पीडितेला सरबत मधून गुंगीचे द्रव्य दिल्यानंतर बादशहा आदम शेख व त्याच्या कुटुंबीयांनी बळजबरीने वसीम व तिचा मुस्लिम पध्दतीने विवाह (marriage) लावून दिला.

त्यानंतर वसीम याने तिच्यावर अत्याचार केला. पीडितेकडे वसीम शेख याने नव-याला सोडचिठ्ठी देण्याची मागणी केली. माझ्याशी रितसर निकाह न केल्यास संपूर्ण कुटुंबाला संपविण्याची धमकी दिली.

वसीम याला एका प्रकरणात अटक झाल्याची माहिती मिळाल्यानंतर पीडितेने अत्याचार प्रकरणी दौंड पोलिसांत धाव घेतली. तिने तिच्यावर झालेल्या अत्याचाराबाबत तक्रार दिली. त्यानंतर फिर्यादीनुसार वसीम शेख, बादशहा आदम शेख, माजी नगरसेविका रेहाना बादशहा शेख व त्यांच्या कुटुंबातील अन्य तीन सदस्य असे एकूण सहा जणांविरूध्द पाेलिसांना (police) गुन्हा दाखल केला आहे.

दरम्यान गुन्हा दाखल झालेले दौंड पालिकेतील राष्ट्रवादीचे माजी गटनेता बादशहा शेख, मुलगा वसीम हे दाेन्ही संशयित आरोपी एका विनयभंग, प्राणघातक हल्ला व एट्रोसिटी प्रकरणात सध्या येरवडा मध्यवर्ती कारागृहात आहेत.

Edited By : Siddharth Latkar