Pune Swargate Shiv Shahi Case Dattatray Gade Arrested : पुण्यातील स्वारगेट डेपोमधील शिवशाही बलात्कार प्रकरणातील आरोपी दत्ता गाडे याला अखेर पोलिसांनी बेड्या ठोकल्या आहेत. शिरुर पोलिसांनी गुनाट गावातून दत्ता गाडे याला मध्यरात्री अटक केली. त्याला लष्कर पोलिसांत नेहण्यात आले. त्याची वैदकीय तपासणी झाली आहे. आज दुपारी दत्ता गाडे याला शिवाजीनगर कोर्टात हजर करण्यात येणार आहे. (Swargate Shiv Shahi Rape Case: Dattatray Gade Arrested in Shirur's Gunat Village)

स्वारगेट बसस्थानकात तरुणीवर बलात्काराचे कृत्य केल्यानंतर दत्ता गाडे शिरुरच्या गुनाट गावात आला होता. दिवसभर घरात आणि रात्री ऊसाच्या शेतात त्यानं वास्तव्य केलं. यावेळी त्याला ताब्यात घेण्यासाठी पुणे पोलीसांसह ग्रामस्थांनी रेस्क्यू केलं. दत्ता गाडे याला शोधण्यासाठी पोलिसांचे १३ पथके रात्रभर शोध घेत होते. ड्रोनचीही पोलिसांनी मदत घेतली. अखेर रात्री ग्रामस्थांच्या मध्यस्थीनंतर दत्ता गाडे याने पोलीसांसमोर सरेंडर केलं. पुणे पोलीसांनी दत्ता गाडे याला शिरुर च्या गुणाट गावातून ताब्यात घेतलं.

दत्ता गाडे याच्या अटकेचा थरार -

दत्ता गाडे याने आपला मोबाईल बंद केला होता. पोलिसांनी त्याचा फोन स्ट्रेस करत शेवटचे लोकेशन शोधलं, त्यानंतर १३ पथके रवाना झाली होती. श्वानपथक, ड्रोन अन् गावकऱ्यांच्या मदतीने पोलिसांनी गुणाट गावात दत्ता गाडेचा शोध घेतला.

आरोपी दत्तात्रय गाडे गुणाट गावातील उसाच्या शेतात लपल्याची माहिती पोलिसांना मिळाली.

गुरुवारी दिवसभर पोलिसांनी गुणाट गावात ड्रोनच्या मदतीने दत्ता गाडे याचा शोध घेतला, पण तो सापडला नाही.

गुरुवारी रात्री ११.४५ वाजता दत्ता गाडे एका घरात पाणी पिण्यासाठी गेला होता.

दत्ता गाडे ज्या घरी पाणी पिण्यासाठी गेला होता, त्या महिलेने फोन करून पोलिसांना माहिती दिली.

दत्ता गाडे हा कॅनॉल आणि उसाच्या शेतात लपून बसत होता, त्याने रात्री दीड वाजता पोलिसांना सरेंडर केले. त्यानंतर त्याला लष्कर पोलिसांत नेहण्यात आलेय. त्याची वैदकीय तपासणी करण्यात आली आहे. आज त्याला दुपारी कोर्टात हजर करण्यात येणार आहे.

अटक कशी झाली? गावकऱ्यांनी काय केलं?

शिरुरच्या गुनाट गावातील दत्ता गाडेने पुण्याच्या स्वारगेट बस स्थानकात तरुणीवर बलात्कारचे कृत्याने गावची बदनामी होत असल्याने ग्रामस्थांनी आरोपीसोबत संवाद साधला अन् त्याला शरण येण्याची विनंती केली. गावकऱ्यांच्या विनंतीनंतर दत्ता गाडे हा मध्यरात्री पोलीसांसमोर शरण आला.