दहिसर पश्चिम येथील मेघा पार्टी हॉलमध्ये भीषण आग लागल्याची घटना घडली आहे. या आगीत संपूर्ण पार्टी हॉल जळून खाक झाला. आग लागल्याची माहिती मिळताच अग्निशमन दलाच्या गाड्या तात्काळ घटनास्थळी दाखल झाल्या आहेत. आगीवर नियंत्रण मिळवण्याचे काम सुरू केले. रात्रीच्या सुमारास हॉलसमोर रिव्हर फेस्टिव्हल सुरू असल्याने परिसरात हजारोंची गर्दी होती. दरम्यान पार्टी हॉलमध्ये आग कशामुळे लागली याचे नेमके कारण अद्याप समजू शकलेले नाहीये.

कोकण नगरमधील अरुणोदय टॉवरमध्ये 15 व्या मजल्यावर आग

भांडुप कोकण नगरमधील अरुणोदय टॉवरमध्ये 15 व्या मजल्यावर आग लागल्याची घटना घडली होती. येथे आग कशामुळे लागली याचे कारण अद्याप अस्पष्ट आहे. घटनास्थळी अग्निशमन दलाच्या गाड्या दाखल झाल्या असून त्यांनी आग लागलेली पूर्ण बिल्डिंग केली रिकामी केली.

जोगेश्वरीमध्ये इमारतीला भीषण आग

आज सकाळी मुंबईतल्या जोगेश्वरीमध्ये इमारतीला भीषण आग लागल्याची घटना घडली होती. जोगेश्वरीतील जेएनएस बिझनेस सेंटर आग लागली होती. अग्निशमन दलाच्या गाड्या घटनास्थळी दाखल झाल्या असून आग विझवली. दरम्यान या घटनेमुळे परिसरात खळबळ उडाली आहे. सगळीकडे धुराचे लोट पसरे असून आग वाढतच चालली आहे.

मिळालेल्या माहितीनुसार, जोगेश्वरी पश्चिम येथील एस. व्ही. रोडवरील बेह्रमपाडा परिसरातील जे.एन.एस. बिझनेस सेंटर या इमारतीला भीषण आग लागल्याची घटना घडली होती.