Shruti Vilas Kadam
रिंकू राजगुरुने जांभळ्या रंगाची सुंदर साडी नेसली आहे. या साडीला सोनेरी रंगाची नक्षीदार बॉर्डर आहे. साडीवरील पारंपरिक डिझाइनमुळे तिचा लूक अधिक खुलून दिसत आहे. सणासुदीच्या कार्यक्रमासाठी तिची ही साडी उत्तम पर्याय ठरू शकते.
रिंकूने साडीला मॅचिंग जांभळ्या रंगाचा ब्लाऊज घातला आहे. साधा पण आकर्षक ब्लाऊज तिच्या पारंपरिक लूकला चार चाँद लावत आहे.
या लूकसाठी रिंकूने गळ्यात सोन्याचा सुंदर पारंपरिक नेकलेस घातला आहे. त्यासोबत कानात नाजूक झुमके घातले आहेत. तिचे हे दागिने पैठणीच्या रंगाशी छान जुळून आले आहेत.
रिंकूने दोन्ही हातांत जांभळ्या आणि सोनेरी रंगाच्या बांगड्या घातल्या आहेत. कपाळावर छोटी लाल टिकली लावली आहे. नाकातील छोटीशी नथ तिच्या सौंदर्यात आणखी भर घालत आहे.
रिंकूने या लूकसाठी हलका मेकअप केला आहे. डोळ्यांना काजळ आणि आयलायनर लावले असून ओठांवर हलक्या रंगाची लिपस्टिक लावली आहे. केस व्यवस्थित मागे बांधून तिने पारंपरिक हेअरस्टाइल केली आहे.
रिंकू राजगुरुने जेजुरी येथे देवदर्शन घेतले. तसेच 'जिजाई' चित्रपटाच्या निमित्ताने तिने कोल्हापूर येथे आदरणीय श्री शाहू छत्रपती महाराज, सौ. मधुरीमाराजे छत्रपती आणि कोल्हापूरच्या युवराज्ञी सौ. संयोगिताराजे छत्रपती यांची भेट घेतली. यावेळी तिने कोल्हापूरच्या प्रसिद्ध आई अंबाबाईचंही दर्शन घेतलं.
रिंकू राजगुरु आगामी 'जिजाई' चित्रपटात मुख्य भूमिकेत दिसणार आहे. या चित्रपटाची प्रेक्षकांमध्ये उत्सुकता आहे. येत्या २० नोव्हेंबर २०२६ पासून हा चित्रपट प्रेक्षकांच्या भेटीला येणार आहे. त्यामुळे रिंकूचा अभिनय आणि चित्रपटातील तिची भूमिका पाहण्यासाठी चाहते उत्सुक आहेत.