पुणे : पुण्यातील मार्केट यार्डात केरळ आंब्याची (Kerala Mango) चक्क देवगड हापूस (Devgad Hapus Amba) या नावाने विक्री होत असल्याचा प्रकार उघडकीस आला आहे. पुणे (Pune) कृषी उत्पन्न बाजार समितीने फळ बाजारातील तीन अडत्यांवर कारवाई करून त्यांच्याकडून दंड वसूल केला आहे. यामध्ये १ डझनचे ४२ बॉक्स बाजार समितीने जप्त केले आहेत.

हे देखील पहा :

बाजारात कोकणचा राजा अर्थात हापूस आंब्याची (Mango) देवगड, रत्नागिरी (Ratnagiri) येथून आवक होते. त्याशिवाय कर्नाटकातूनही आंबा येतो. मात्र, दोघांच्या चव आणि सालीमध्ये फरक आहे. कोकणातील हापूस आंबा रसाळ आणि चवीस चांगला असतो. त्यामुळे कोकणातील आंब्यांना सर्वाधिक मागणी असते. म्हणूनच या आंब्याच्या किंमतीही जास्त असतात. याचा फायदा घेत व्यापारी, विक्रेते नागरिकांची फसवणूक (Fraud) करतात. आंब्यांची अदलाबदल करून विक्री होत आहे, हंगामाच्या सुरवातीला असा प्रकार उघडकीस आला आहे.

Edited By : Krushnarav Sathe