Manasvi Choudhary
पनीर हा अनेकांचा अत्यंत आवडीचा पदार्थ आहे. पनीरपासून अनेक वेगवेगळ्या रेसिपी बनतात.
परंतु, पनीर हे लवकर खराब होते यासाठी ते साठवताना योग्य काळजी घेणे महत्वाचे आहे.
पनीर कधीही बाहेर उन्हात किंवा रूम टेम्परेचरवर ठेवू नये. पनीर हे नेहमी फ्रिजमध्येच साठवावे.
पनीर हवेच्या संपर्कात आल्यास ते वेगाने कोरडे पडू शकते आणि त्याचा रंग बदलू शकतो. तुम्हाला एक-दोन दिवसांसाठी पनीर साठवायचे असेल, तर त्याचे लहान-लहान तुकडे करून एका स्वच्छ हवाबंद डब्यात ठेवा
फ्रिजमध्ये पनीर खालच्या कप्प्यात ठेवावे. फ्रिजच्या दरवाजाजवळ किंवा बाहेरच्या कप्प्यांमध्ये ठेवू नये कारण तेथील तापमान वारंवार बदलत असते, ज्यामुळे पनीर लवकर खराब होऊ शक्यते.
अनेकदा पनीर खराब झाले आहे हे समजत नाही आणि आपण ते खातो. मात्र यामुळे आरोग्याच्या समस्या निर्माण होऊ शकतात.
ताज्या पनीरला हलका दुधाळ वास येतो. पण, जर पनीर खराब झाले असेल तर त्याला आंबट, उग्र किंवा अतिशय विचित्र वास येऊ लागतो.
ताजे पनीर स्वच्छ, पांढरे आणि मऊ असते. मात्र, खराब झालेला पनीर हाताला चिकट लागतो आणि त्याचे सहजपणे तुकडे होतात.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.