मुंबई: अधिकाराचा गैरवापर करून पैसे उकळणाऱ्या 3 पोलिसांवर खंडणीचा गुन्हा दाखल करण्यात आला आहे. सूत्रांनी सांगितले की, हे तीन पोलिस अंगडिया व्यापाऱ्यांकडून पैसे उकळायचे. काही दिवसापूर्वी मुंबईचे पोलिस (Mumbai Police) आयुक्त हेमंत नगराळे (Hemant Nagrale) यांच्याकडे तक्रार आली होती, त्यानंतर अतिरिक्त आयुक्त दक्षिण विभागीय दिलीप सावंत यांना या प्रकरणाची चौकशी करण्यास सांगण्यात आले होते. याप्रकरणी दिलीप सावंत यांनी तपास केला असता तीन पोलीस अधिकारी वसुलीसाठी (Ransom) सक्रिय असल्याचे आढळून आले, त्यानंतर तिघांविरुद्ध एलटी मार्ग पोलीस ठाण्यात वसुलीचा गुन्हा दाखल करण्यात आला. (crime registered against the three Mumbai policeman for a ransom)

हे देखील पहा -

पोलिस निरीक्षक ओम वनघाटे, सहायक पोलिस निरीक्षक नितीन कदम आणि पोलिस उपनिरीक्षक समाधान जामठाडे अशी आरोपी पोलिसांची नावे असल्याचे सूत्रांनी सांगितले. या तिन्ही पोलिस अधिकाऱ्यांविरुद्ध भादंवि कलम ३८४ आणि ३९२ अन्वये गुन्हा दाखल करण्यात आला आहे.

Edited By - Akshay Baisane