पुणे: कौटुंबिक वादाच्या कारणातून जावयाने सासऱ्यावर चाकूने वार करून, त्यांचा खून (killed) केल्याचा धक्कादायक प्रकार पुण्यात घडला आहे. या घटनेनंतर जावयाने हातात चाकू घेऊन पोलिस (Police) ठाणे गाठत खडकी पोलिसांना स्वत:च खुनाची कबूली दिली आहे. रमेश रामचंद्र उत्तरकर (वय- 65) रा. आकाशदिप सोसायटी खडकी असे खून झालेल्या व्यक्तीचे नाव आहे. तर अशोक गुलाब कुडले(वय- 38) रा. खडकी बाजार असे अटक (Arrested) करण्यात आलेल्या आरोपीचे नाव आहे. (Pune Crime News Today)

हे देखील पहा-

पोलिसांनी जावई आरोपीला (accused) ताब्यात घेतले आहे. कुडले हा उतरकर यांचा जावई आहे. 2019 पासून कुडले आणि त्याच्या पत्नीमध्ये कौटुंबिक (family) कारणातून वाद सुरू होते. तेव्हापासून पती- पत्नी वेगळे राहत आहेत. कुडले त्याच्या आईसोबत, तर त्याची पत्नी वडिलांकडे राहते. दोघांना एक मुलगा आणि एक मुलगी अशी दोन मुले आहेत. तर उत्तरकर यांची दोन दुकाने असून त्यांनी दोन्ही दुकाने भाड्याने दिली आहेत. तर कुडले हा वडापावची गाडी चालवतो.

दरम्यान, त्यांच्यातील कौटुंबिक वाद न्यायप्रविष्ठ आहे. कुडले हा उत्तरकर यांना पत्नीला नांदायला पाठवा असे सातत्याने सांगत होता. तर उत्तरकर हे घटस्फोट घेण्याबाबत आग्रही होते. याच प्रकरणाबाबत बुधवारी न्यायलयात तारीख होती. न्यायालयात तारखेला हजर राहिल्यानंतर कुडले व उत्तरकर यांच्यात वाद झाले होते. आणि त्याने दुकानात जाऊन सासऱ्याचा खून केला आहे.

Edited By- Digambar Jadhav