सुरज सावंत

पत्नीच्या चारित्र्यावर संशय घेत पतीने पत्नीच्या गळ्यावर चाकूने वार केल्याची घटना घाटकोपर परिसरात उघडकीस आली आहे. घाटकोपरच्या (Ghatkopar) हनुमान गल्ली (Hanuman galli) नेताजी जुनी कामराज नगर (Kamraj Nagar) परिसरात हे पती-पत्नी हे राहतात.

हे देखील पहा-

मागील अनेक दिवसांपासून पती-पत्नींमध्ये शुल्लक कारणांवरून वाद व्हायचे. पोलिसांच्या चौकशीत पत्निच्या चारित्र्यावर आरोपी संशय घेत असल्याने हा वाद विकोपाला जायचा.

दरम्यान शुक्रवारी आरोपीची पत्नीसोबत जरदार भांडण झाले. यावेळी राग अनावर झालेल्या आरोपीने हातातील चाकूने पत्नीच्या गळ्यावर वार केले. या हल्यात महिला गंभीर जखमी झाली असून तिला तातडीने उपचारासाठी घाटकोपरच्या राजावाडी रुग्णालयात नेहण्यात आले.

या घटनेची माहिती मिळाल्यानंतर पंतनगर पोलिसांनी घटनास्थळी धाव घेऊन गुन्हा नोंदवत आरोपीला अटक केली. या प्रकरणी पंतनगर पोलिस अधिक तपास करत आहे.

Edited By- Anuradha