Ambernath : अंबरनाथ मध्ये नोव्हेंबर महिन्यात बैलगाडा शर्यतीच्या वादातून अंदाधुंद गोळीबार झाला होता. या प्रकरणातील प्रमुख संशयित आरोपी असलेले महाराष्ट्र राज्य बैलगाडा संघटनेचे अध्यक्ष पंढरीनाथ फडके (Pandharinath Phadke Latest News) याचा जामीन विशेष मोक्का न्यायालयाने फेटाळला आहे. यामुळे फडकेच्या अडचणी वाढ झाली आहे. (Breaking Marathi News)

अंबरनाथ मध्ये १३ नोव्हेंबर रोजी बैलगाडा शर्यतीच्या वादातून पनवेलचे पंढरीनाथ फडके यांच्या गटाने कल्याणच्या राहुल पाटील गटावर अंदाधुंद गोळीबार केला होता. याप्रकरणी पंढरीनाथ फडके यांच्यासह एकूण ३२ जणांवर हत्येचा प्रयत्न, आर्म्स ऍक्ट यासह मोक्का कायद्यान्वये गुन्हा दाखल झाला होता.

त्यानंतर फडके यांची रवानगी ठाणे कारागृहात करण्यात आली होती. याबाबत फडके यांच्या वकिलांनी ठाण्याच्या विशेष मोक्का न्यायालयात जामिनासाठी अर्ज दाखल केला होता. मात्र हा अर्ज न्यायालयाने फेटाळून लावला. त्यामुळे फडके हे आता जामिनासाठी उच्च न्यायालयात (high court) जाण्याची शक्यता व्यक्त होत आहे.

Edited By : Siddharth Latkar