Pune Accident News : पुण्यातील अपघाताचं वृत्त समोर आलं आहे. पुण्यातील मंचर येथील महाविद्यालय तरुण भिमाशंकर देवदर्शनावरून परतताना भिमाशंकर मंचर मार्गावर शिनोलीजवळ दुचाकीचा अपघात झाल्याची घटना घडली आहे. या अपघातात दुचाकीवरील एका तरुणाचा जागीच मृत्यू झाला आहे. (Latest Marathi News)

मिळालेल्या माहितीनुसार, पुण्याच्या (Pune) मंचर येथील महाविद्यालय तरुण भिमाशंकर देवदर्शन करून परतताना अपघात झाल्याची घटना घडली आहे. भिमाशंकर मंचर मार्गावर शिनोलीजवळ अपघात झाला आहे. या अपघातात एका तरुणाचा जागीच मृत्यू झाला आहे. तर दोघे जण गंभीर झाले आहेत.

या अपघातात जखमी झालेल्या जखमींवर पुण्यातील खाजगी रुग्णालयात उपचार सुरु आहे. मंचर अवसरी येथील अभियांत्रिकी महाविद्यालयातील तीन विद्यार्थी एकाच दुचाकीवर भिमाशंकर दर्शनासाठी गेले होते. परतीचा प्रवास करत असताना शिनोली येथे अपघात झाला आहे. ओंकार सुमंत असे अपघातात मृत्यू झालेल्या विद्यार्थ्याचे नाव आहे. ओंकारच्या मृत्यूने त्याच्या कुटुंबावर दु:खाचा डोंगर कोसळला आहे. त्याच्या मृत्यूने त्याच्या राहत्या भागातही हळहळ व्यक्त करण्यात येत आहे.

पिकअप जीपने दोन दुचाकींसह 8 जणांना चिरडले

दरम्यान, पुण्यात अपघातांची मालिका सुरूच आहे. पुण्याच्या जुन्नरमध्ये दोन दिवसांपूर्वी रात्रीच्या अंधारात पिकअप जीपने दोन दुचाकींसह 8 जणांना चिरडल्याची घटना घडली होती. या भीषण अपघातात दोन चिमुकल्यांसह 5 जणांचा मृत्यू झाला आहे, तर 3 जण गंभीर जखमी झाले होते.

नगर-कल्याण महामार्गावर लवणवाडीत येथे हा भीषण अपघात झाला होता. रात्रीच्या अंधारात भरधाव पिकअप जीपने दोन दुचाकीना उडवले होता. या अपघातात आठ जण चिरडले गेले. यातील 5 जणांचा मृत्यू झाला होता.