Eknathn Shinde News : केंद्रीय निवडणूक आयोगाने (Election Commission) धनुष्यबाण चिन्ह गोठवलं. त्यामुळे शिंदे आणि ठाकरे गटाला आता धनुष्यबाण चिन्हाचा वापर करता येणार नाही. त्याचबरोबर शिवसेना हे नावही लावता येणार नाही. या सर्व घडामोडीनंतर ठाकरे गटाला मशाल हे नवीन निवडणूक चिन्ह मिळाले आहे. तर शिंदे गटाला चिन्हासाठी नवीन चिन्ह सूचवण्याचे निर्देश निवडणूक आयोगाने दिलेत. दरम्यान, ठाकरे गटाला नवीन चिन्ह मिळाल्यानंतर मुख्यमंत्री एकनाथ शिंदेंनी (Eknath Shinde) प्रतिक्रिया दिली. (Eknath Shinde News Today)

काय म्हणाले एकनाथ शिंदे?

'आमचीच शिवसेना खरी शिवसेना आहे. देशातील 14 राज्यप्रमुखांनी देखील त्यांच्या राज्यातील शिवसेनेचं समर्थन आम्हाला दिलेलं आहे. असं हे भरघोस पाठिंबा आणि समर्थन आमच्याकडे म्हणजेच बाळासाहेबांच्या शिवसेनेकडे असताना, धनुष्यबाण चिन्ह आम्हालाच मिळालं पाहिजे होते. परंतू, ते आम्हाला मिळालं नाही. हा आमच्यावरचा खरा अर्थाने अन्याय आहे', असं मुख्यमंत्री एकनाथ शिंदे यांनी म्हटलं आहे. (Breaking Marathi News)

पुढे बोलताना शिंदे म्हणाले, याबाबतीत आमचा प्रयत्न आहे की मेरीटवर तुम्ही जे इतर निर्णय घेतले. त्या मेरीटनुसार मेरीट वर चिन्ह आम्हालाच मिळाले पाहिजे. सोशल मिडियावर आमची बदनामी केली जात असल्याचा दावा देखील शिंदेनी केला आहे.

शिंदे गटाला आज चिन्ह मिळण्याची शक्यता

केंद्रीय निवडणूक आयोगाच्या वतीने शिवसेना उद्धव ठाकरे आणि शिवसेना एकनाथ शिंदे गटाला तीन निवडणूक चिन्ह सूचवण्याचे आदेश देण्यात आले होते. यामध्ये उद्धव ठाकरे यांच्या गटाकडून त्रिशूल, उगवता सूर्य आणि धगधगती मशाल अशी तीन चिन्ह सूचवण्यात आली होती. तर शिंदे गटानेही त्रिशूल गदा आणि मशाल चिन्ह सूचवली होती.

दरम्यान, धार्मिक वाद होऊ नये म्हणून निवडणूक आयोगाने त्रिशूल आणि गदा ही दोनही चिन्ह बाद केली आणि ठाकरे गटाला मशाल हे चिन्ह देण्यात आले. दुसरीकडे एकनाथ शिंदे यांच्या गटाला नवीन तीन चिन्ह सूचवण्याचे आदेश निवडणूक आयोगाने दिले. त्यानुसार आज शिंदे गटाच्या वतीने निवडणूक चिन्ह सूचवली जाणार आहे.

Edited By - Satish Daud