Prajwal Revanna: प्रज्वल रेवण्णाला जन्मठेप; पीडितेच्या साडीवरील स्पर्म मुख्य पुरावा|VIDEO

बंगळूर: जनता दल सेक्युलर पक्षाचे माजी खासदार आणि माजी पंतप्रधान एचडी देवेगौडा यांचे नातू प्रज्वल रेवण्णा यांना न्यायालयाने जन्मठेपेची शिक्षा सुनावली आहे. फार्म हाऊसमध्ये काम करणाऱ्या महिलेवरील बलात्कारप्रकरणी प्रज्वल रेवण्णावर विविध कलमाद्वारे गुन्हा दाखल करण्यात आला होता. मागच्या एक वर्षापासून या प्रकरणी न्यायालयीन खटला सुरू होता. अखेर काल बंगळूर येथील विशेष न्यायालयाने प्रज्वल रेवण्णा याला दोषी ठरवून जन्मठेपेची शिक्षा सुनावली आहे.

साडी ठरली महत्वाचा पुरावा

या घटनेच्या दरम्यान पीडितेने साडी नेसलेली होती. या तपासात त्या साडीवर शुक्राणूचे (स्पर्मचे) डाग आढळून आले आहेत. जे फॉरेन्सिक तपासणीमध्ये रेवण्णाचे असल्याचे समोर आले आहे. मोलकरीणची ती साडी न्यायालयात सादर करण्यात आली होती. आणि हाच पुरावा सर्वात मोठा मानला गेला. पीडितीने केवळ साडी जपून ठेवली नव्हती तर तिने या घटनेचा व्हिडिओ देखील रेकॉर्ड केला होता.