Pune Chandni Chowk News: पुणेकरांसाठी आजचा दिवस अत्यंत आनंददायी आहे. कारण, पुणे शहरातील सर्वाधिक वाहतूक कोंडी होणाऱ्या चांदणी चौक परिसरातील उड्डाणपुलाचे आज केंद्रीय नितीन गडकरी यांच्या हस्ते हे लोकार्पण होणार आहे. या समारंभाला राज्याचे उपमुख्यमंत्री देवेंद्र फडणवीस, अजित पवार यांच्यासह राज्यातील काही मंत्री देखील उपस्थित राहणार आहेत. (Latest Marathi News)

मात्र, राज्याचे मुख्यमंत्री एकनाथ शिंदे या समारंभाला येणार नसल्याचं वृत्त आहे. यामुळे राजकीय चर्चांना सुरुवात झाली आहे. गेल्या दोन ते तीन दिवसांपासून अजित पवार आणि एकनाथ शिंदे यांच्यात कोल्ड वॉर सुरु असल्याची चर्चा आहे.

मुख्यमंत्र्यांच्या अख्यत्यारित खात्यांचा अजित पवार यांनी आढावा घेतला. यामुळे एकनाथ शिंदे नाराज आहेत की काय? अशी चर्चा सुरु झाली आहे. दुसरीकडे अजित पवार यांचा गट एकनाथ शिंदे यांच्या गटातील १३ खासदारांच्या मतदारसंघात मोर्चेबांधणी सुरू करणार आहे. यामुळेही शिंदे नाराज असल्याची चर्चा आहे.

CM शिंदेंना बसला होता वाहतूक कोंडीचा फटका

दरम्यान, मुख्यमंत्री एकनाथ शिंदे यांनाही १० महिन्यांपूर्वी चांदणी चौकातील वाहतूक कोंडीचा फटका बसला होता. ते साताऱ्याकडे जात असताना वाहतूक कोंडीत अडकले होते. यावेळी पुणेकरांनी ही समस्या त्यांच्याकडे मांडली होती. मुख्यमंत्र्यांनी लवकरात लवकर पुलाचे काम करण्याचे आदेश दिले होते. परंतु आता तेच समारंभाला येणार नसल्याचे वृत्त आहे.

असे आहेत चांदणी चौकातील ८ रॅम्प....

१. मुळशी - सातारा

२. मुळशी - मुबंई

३. मुळशी - पाषाण

४. सातारा - कोथरूड ते मुळशी

५. पाषाण - मुबंई

६ .पाषाण - सातारा

७. सातारा - कोथरूड ते पाषाण

८ . सातारा -मुळशी

Edited by - Satish Daud